Josuạ 6:10 - সান্তালী বাইবেল

¹⁰ Josuạ do laharege hoṛko noae hukumatʼko tahẽkana, “Ape do ãṭ aṛaṅte alope hohoya se aṛaṅate alope roṛa se mocate jãhãn saḍe hõ alope oḍoka. Menkhan oka hilokʼ ãṭ aṛaṅte hohoń metape eken enhilokʼge ãṭ aṛaṅtepe hohoya.”

Josuạ 6:10 Iomraidhean Croise

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jesaea 42:2

Uni do bae hohoea ar ãṭ aṛaṅte bae roṛa; uni do kulhikore acʼakʼ aṛaṅ hõ bae ańjom ocoytaea.

Mathae 12:19

Uni do bae jhogṛakʼa ar ãṭ aṛaṅte bae roṛa; kulhikore acʼakʼ aṛaṅ hõ bae ańjom ocoytaea.

Luk 24:49

Ńelpe, ińren Baba okaṭakʼ emokʼ reakʼe gokʼakatʼ, onań kolapea. Serma khon daṛe ạuripe ńam hạbicʼ ape do noa nagraharege tahẽ hataṛokʼpe.”

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Josuạ 6:11

Nonkate Josuạwakʼ hukumte Probhu Isorakʼ sinduk do nagraha beṛhaete mitʼ dhaoko ạcur ạgukeda. Ar ona tayom do akoakʼ ḍerateko ruạṛ calaoena ar ńindạ do ḍerareko aṅgayena.

Josuạ 6:9

Ar okoe naekeko sakwako oroṅetʼ tahẽkan onko laha lahate do khanḍa bhanḍako sapʼakatʼ palṭonko ar sinduk tayom tayomte do rurukhiyạkoge. Ar naekeko do goṭa hor sakwa oroṅtegeko tahẽyena.