Josuạ 5:9 - সান্তালী বাইবেল

⁹ Ona tayom Probhu Isor do Josuại metadea, “Misorre oka henostarepe tahẽkan teheń ona do ape khoniń sạṅgińkeda.” Ar onate teheń hạbicʼ hõ ona jaega do Gilgolko metakʼkana.

Josuạ 5:9 Iomraidhean Croise

2 Samuel 19:15

Unre raj do jordan gaḍa hạbicʼe ruạr hecʼena. Ar Jihudạren hoṛko do raj daram ạguiye lạgitʼ Gilgalteko hecʼena jemon raj do jordan gaḍako parom ạguiye.

Sereńko 119:39

Ińakʼ opoman sạṅgińkakʼme one oka reaṅiń botorokʼkan; amakʼ ạn ạri do sạrige bhagegea

Jirimiạ 9:25

Probhu Isore meneda, “Nonkan dinko hijukʼkana tinre iń do Misorre, Jihudạre, Edomre, Amonre, Moabre ar hahaṅkarreko girobasokʼ kan, okoe do bohokʼ banarsa aṛe reakʼ upʼko kaṭopʼetʼtako onko sanamkogeń sạjạikoa. Onko do eken hoṛmo motoko khatna akana, ontor do baṅa; Israelko hõ ontor do bako khatna akana.”

Jeheskel 23:3

Huḍiń umer khon unkin do Misor disạmre kusumbi kin tahẽkana. Ona disạmrege hoṛko do unkinakʼ bạ̃sko sapʼetʼ tạkin tahẽkana ar kũạri cuńciko locayetʼ tạkin tahẽkana.

Jeheskel 23:8

Uni do acʼakʼ laṭghaṭ kạmiko do bae bạgileda, one Misorre tahẽkan jokhecʼ khone ehopʼletʼ; onḍe uni do kom umere tahẽkanrege hoṛko sãoteye giticʼ mitʼena ar onkoakʼ laloc do acʼreye dulante acʼakʼ kũạritetʼe nosṭoketʼtaea.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Levitikus 24:14

“Sarapicʼ uni hoṛ do ḍera bahrete idiyepe. Ar okoe ona sarap emokʼko ańjomakade onko joto hoṛ do uniyakʼ bohokʼ cetanre tiko dohoytakoma, ar ona tayom Israelko do dhirite uniko tiń gojema.

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Sephaniạ 2:8

Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

Josuạ 4:19

Bochor reakʼ pạhil cando reakʼ gelakʼ dinre hoṛko do jordan gaḍa khonko rakapʼ hecʼente Jerikho purub simạ reakʼ Gilgolre senkateko ḍerayena,

Josuạ 5:8

Sanam hoṛkogeko khatna ocoyena ar onko ạuriko bogekʼ hạbicʼ ona jaega reakʼ ḍeraregeko tahẽyena.

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

1 Samuel 7:16

Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.