Josuạ 5:6 - সান্তালী বাইবেল

⁶ Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

Josuạ 5:6 Iomraidhean Croise

Sereńko 107:4

Onko do hahaṅkar jaegareko ạcur baṛayena; ar girạbasokʼ lạgitʼ oka nagraha hõ bako sendra ńamleda.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Jeheskel 20:15

Ona chaḍa ona hahaṅkarrege onko ṭheniń kiriạyena, iń emakʼ disạmge one okaṭakʼ disạmre toa, dumur rasa ar jãhãnakʼ reakʼ okulạnge bạnukʼ, okaṭakʼ disạm do sanam disạmko khon soros utạrge ona disạmte do bạń idikoa.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Numeri 26:63

Jerikho mohnḍa mohnḍi jordan gaḍa aṛe Moab reakʼ otetre lekhako jokhecʼ Mose ar naeke Eleasar do noko hoṛkin lekhaketʼkoa.

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.

Dosar Biboron 2:14

Kades bạgikate Sered soḍokʼ paromokʼte pegel irạl bochor lagao atʼbon tahẽkana. Kades bạgi oṭowakʼ lahare ḍerare okoe palṭonko tahẽkan onko sanamkoge niạ pegel irạl bochor bhitrite Probhu Isorakʼ gokʼakʼ reakʼ katha lekateko gocʼena.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Dosar Biboron 8:4

Niạ pongel bochorre apeakʼ hoṛmo reakʼ kicricʼko hõ baṅ marelena ar jaṅga hõ baṅ bharaolentapea.

Ibriko 3:11

Onate iń do edrete kiriạyenteń menleda, ‘onko do ińakʼ jirạukʼ jaegare baṅgeko bolo ńama.’ ”

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.

Josuạ 5:5

Ar sanamkogeko khatna ocolen tahẽkana; menkhan Misor khon oḍok hecʼen tayom horre ar hahaṅkarre okoekoakʼ janam hoylen onko do okoehõ bako khatna ocoakan tahẽkana.

Josuạ 5:7

Onate uni do onko bodolte onkoren hoponkoe teṅgoketʼkoa ar Josuạ do onkoe khatna ocoketʼkoa. Ar dãṛãn horre bako khatna ocoakan tahẽkante un hạbicʼ hõ bin khatnako tahẽkana.