Josuạ 5:11 - সান্তালী বাইবেল

¹¹ Ar ona dosar hilokʼge ona disạm reakʼ phosol khon benaoakʼ bin khạmiyanakʼ piṭhạ ar isinakʼ anajko jomkeda.

Josuạ 5:11 Iomraidhean Croise

Levitikus 23:14

Aperen Isor ṭhen noa samaṅokʼakʼ ạuripe em hạbicʼ noa nãwã anaj reakʼ khon ape do bape jom daṛeakʼa. Ona chaḍa ona khon benaoakʼ jãhãn piṭhạ se seṅgelre rapakʼ hõ baṅ ganokʼa. Ar jãhãregepe girobasokʼ piṛhike piṛhi ape lạgitʼ noa do mitʼṭecʼ niạmge tahẽyena.

Levitikus 23:6

Ona cando reakʼ gel mõṛẽ tạrik do Probhu Isor ńutumte bin khạmiyanakʼ piṭhạ porob ehobokʼa. Ar ape do eae din hạbicʼ bin khạmiyanakʼ piṭhạ jojom hoyokʼtapea.

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Josuạ 5:12

Onko do oka hilokʼ ona disạm reakʼ jomakʼko jomketʼ ona dosar hilokʼ khonge Manna ńurokʼ do thirena. Ar inạ tayom Israelko do Manna ar bako ńamleda. Ona bochor khon onko do Kanan disạm reakʼ phosol jojomko ehopʼena.