Josuạ 5:1 - সান্তালী বাইবেল

¹ Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Josuạ 5:1 Iomraidhean Croise

Genesis 12:6

Kanan disạm talate calakʼ jokhecʼ Abram do Sikem nagraha ṭhenakʼ More reakʼ sonot dare hạbicʼe sen idiyena. Unre Kananrenko do ona disạmreko girobasokʼ kan tahẽkana.

Genesis 48:22

Amren boehako khon thoṛa ḍher ńokʼ sompottiń ematʼmea. One okaṭakʼ jaega do tarwaṛe ar akʼsarte lạṛhạikate Amorikoakʼ ti khoniń hatletʼ ona jaegage am doń ematʼmea.”

2 Samuel 21:2

Ona iạte raj do Gibeonrenkoe hohowatʼkote onko tulucʼe galmaraokeda. Gibeonren hoṛ do Israel hoponko talare bako tahẽkana. Onko do Amorikoren sarecʼko kanako. Onko alo maraoko lạgitʼge Israelko doko kiriạlena, menkhan Sạul do Israel ar Jihudạ lạgitʼe ãṭokʼkan tahẽkante onko sanamkoge gocʼko reakʼe kurumuṭuleda.

1 Rapajko 10:5

Uni do arhõe ńelkeda uniyakʼ ṭebil reakʼ jomakʼ, uniren kạmiyạkoakʼ tahen jaega, mońj mońj horokʼ bande akatʼ uniren sapʼsosorko, uniren darkha rasa dudulko ar ona siṛhi, one okaṭakʼ siṛhite uni do Probhu Isorakʼ oṛakʼteye rakapʼ calakʼkan tahẽkan. Ar noako ńelte uni doe ṭhak utạrena.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Sereńko 135:11

Uni do Amorikoren Sihon raj, ar Bashanren Og raj, ar Kananren sanam rapajkoe gocʼletʼkoa.

Exodus 23:28

Hibirenko, Kananrenko ar Hittirenko ape samaṅ khon laga ńirko lạgitʼ iń do ape laha lahate bhimrulkoń kolkoa.

Jesaea 41:5

Probhu Isorakʼ noa kạmi ńelte sạṅgiń disạmren hoṛ do botor caṛhaoakoa ar dhạrti reakʼ ses simạren hoṛ doko thartharaokʼa. Ar hecʼ sorkate mitʼ ṭhenko jarwakʼa;

Jeheskel 16:3

Am dom mena, Probhu Isor do Jerusaleme metaekana, ‘amakʼ oṛakʼ ar amakʼ janam ṭhạ̃i do Kananren hoṛkoakʼ disạm khonakʼ kana; amren ạpum doe hoyokʼ kana Amori ar eṅgam do Hitti hoṛge.

Jeheskel 21:7

Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”

Daniel 5:6

Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Josuạ 17:12

Menkhan Manase gusṭiren hoṛko do onako ato ar nagrahako bako hat daṛeada, ente Kananiko doko khạṭi akawan tahẽkana, ona jaega do bako bạgiyakʼa.

Josuạ 17:18

Bir-gajaṛte perecʼ buru ṭoṭhako hõpe ńama. Ona makʼ saphae hoyokʼtapea. Gajaṛ ar ona sãoteakʼ sanam jumiko do apeakʼ ạidạrire tahena. Kananikoakʼ mẽṛhẽtʼ reakʼ rãt gạḍi tahẽlenre hõ arko daṛegere hõ ape do onkope laga ńir daṛeakoa.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Josuạ 3:17

Ar tin hạbicʼ sanam Israelko jordan gaḍa ạuriko parom cabakʼ un hạbicʼ Probhu Isorakʼ goha-sinduk gokʼ idiyetʼkan naekeko do jordan gaḍare kuṭhạ̃ṛ otreko teṅgo tahẽyena; ar sanam hoṛ do kuṭhạ̃ṛgekoge parom calaoena.

Johan sodor 18:10

Onko do uniyakʼ saset ńelte botorte sạṅgińre teṅgokateko mena, “Hae Babel, hae! Ona maraṅ nagraha, ar daṛeanakʼ nagraha do, ente mitʼ ghạṛite amakʼ sạjại do seṭerena!”

Bikʼcạrko 1:1

Josuạwakʼ gujukʼ tayom Israelko do Probhu Isorko kulikedea, “Kananrenko sãote lạṛhại lạgitʼ pạhilte do okoeye calakʼtalea?”

Bikʼcạrko 11:23

Israelkoren Probhu Isor do acʼren hoṛ Israelko samaṅ khon tinre Amorikoe laga oḍokketʼkoa unre ona ruạr hatao reakʼ do cetʼ amakʼ ạidạri menakʼa?

Bikʼcạrko 3:3

Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

1 Samuel 25:37

Setakʼ bela tinre Nabal do bul khone cetaoena unre acʼren oṛakʼ hoṛ do jotowakʼ kathae lạiyadea. Onate Nabalakʼ ontor do sobokʼentaea ar dhiri lekae keṭkeṭeyena.