Josuạ 4:9 - সান্তালী বাইবেল

⁹ Jordan gaḍa reakʼ oka ṭhạ̃ire goha-sinduk gogokʼ naekeko teṅgo akan tahẽkan onḍe Josuạ do arhõ gelbar goṭecʼ dhiriye dohokeda. Ona dhiriko do teheń hạbicʼ onḍege menakʼa.

Josuạ 4:9 Iomraidhean Croise

Genesis 26:33

Isahak do ona kuń reakʼ ńutum Sibae dohokeda (metakʼme “Kiriạ”). Ona iạte teheń hõ ona nagraha reakʼ ńutum do Ber-seba tahẽyena.

Genesis 28:18

Jakob do ạḍi setakʼreye beretʼena ar oka dhirireye bohokʼ akatʼ tahẽkan ona do cinhạ khunṭi lekae teṅgoketʼte ona cetanre sunume dulada.

2 Samuel 4:3

ente Berotren hoṛko do Gitayimte ńir paskaokate teheń hạbicʼhõ onḍe upriạ lekako girobasokʼ kana.

1 Rapajko 18:31

Uni do Jakobren hoponkoakʼ mimitʼ gusṭi lạgitʼ mimitʼ goṭecʼkate gel bar goṭecʼ dhiriye hataoana. Nui Jakobge Probhu Isore metade tahẽkana, “Amakʼ ńutum do hoyokʼa Israel.”

2 Bõsbudạ 5:9

Onakin ḍaṅ do nonka jeleń tahẽkana, onakin reakʼ mitʼ mucạtʼ do bhitri kandha reakʼ samaṅ secʼakʼ asolakʼ kandha, metakʼme sonot utạrakʼ ṭhạ̃i khon ńel ńamokʼkan tahẽkana, menkhan sonot utạrakʼ ṭhạ̃i bahre khon do baṅa. Ar teheń hạbicʼ ona do onḍege menakʼa.

Exodus 24:12

Ona tayom Probhu Isor do Moseye metadea, “Am do buru cetanre iń ṭhen rakapʼ hijukʼme ar thoṛa okte hạbicʼ iń ṭhen tahenme. Iń do hoṛko cetʼako lạgitʼ dhiri cạktireń olakatʼ ạn-ạri ar hukumkoń emama.”

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Mathae 27:8

Onate teheń hạbicʼ ona goḍa do mãyãm reakʼ goḍako metakʼkana.

Mathae 28:15

Unre pahradarko do ṭaka hataokate cetʼlekako men ocolen onkageko lại baṛakeda. Onate teheń hạbicʼ ona katha do Jihudiko talare pasnao akana.

Dosar Biboron 34:6

Moab disạm reakʼ Beth-peor ṭhen okaṭakʼ buru tala otet tahẽkan onḍege Probhu Isor do uniye topakadea, menkhan uniyakʼ topa okare menakʼa ona do teheń hạbicʼ okoehõ bako baḍaea.

Josuạ 24:26

Ar uni do Isorakʼ ạn-ạriko reakʼ sanamakʼ mitʼṭecʼ puthireye ol dohokeda. Uni do mitʼṭecʼ maraṅ dhiri hataokate Probhu Isorakʼ sonot jaega ṭhen Elon dare buṭạre onae bạisạukada.

Josuạ 4:10

Gaḍa paromokʼ babotre Mose do Josuại hukumade tahẽkana. Onate hoṛko lạiyako lạgitʼ Josuại em akawade Isorakʼ hukum leka hoṛko jotowakʼ ạuriko cekae hạbicʼ goha-sinduk gogokʼ naekeko do gaḍareko teṅgo tahẽkana ar hoṛko do usạra gaḍako paromena.

Bikʼcạrko 1:26

Inạ tayom uni hoṛ do Hitikoakʼ disạmte senkate mitʼṭecʼ nagrahae benaokeda ar ona reakʼ ńutum do Luse dohokeda. Teheń hạbicʼ ona nagraha reakʼ ńutum do inạge menakʼa.

1 Samuel 30:25

Enhilokʼ khon Dạud do Israelko lạgitʼ ona lekage niạme ṭhikkeda ar teheń hạbicʼ hõ ona do onkage menakʼa.

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).