Josuạ 4:19 - সান্তালী বাইবেল

¹⁹ Bochor reakʼ pạhil cando reakʼ gelakʼ dinre hoṛko do jordan gaḍa khonko rakapʼ hecʼente Jerikho purub simạ reakʼ Gilgolre senkateko ḍerayena,

Josuạ 4:19 Iomraidhean Croise

2 Rapajko 2:1

Probhu Isor do tinre mitʼṭecʼ hoe bharḍo talate sermate Eliạ rakapʼ idiye menetʼ tahẽkana unre Eliạ ar Elisae do Gilgol khonkin oḍok hecʼena.

Amos 4:4

“Ape do Betheltepe calakʼa arpe ghạṭa; Gilgalte senkate arhõ bạ̃ṛtipe ghạṭa. Din hilokʼ setakʼ reakʼ samaṅokʼakʼ jinisko ar pepe din hilokʼre apeakʼ gel hạṭiń reakʼ mitʼ hạṭiń jiniskope idiyetʼkana.

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.

Dosar Biboron 11:30

Ape dope baḍaegea, jordan gaḍa pạchim senakʼ hor aṛe reakʼ Gilgal ar ona sor reakʼ Arabreko tahenkan Kananikoakʼ disạm talare More reakʼ Elon dareko ṭhen ona barea buru do menakʼ mente.

Josuạ 10:43

Inạ tayom Josuạ do sanam Israelkoante Gilgal reakʼ ḍerateye ruạṛ calaoena.

Josuạ 10:6

Unre Gibeonrenko do Gilgal reakʼ ḍerate senkate Josuạ ṭhen sombatko kolkeda, “Amren golamko do alom bạgi giḍilea. Ma usạra hecʼkate goṛowaleme, ente Amorikoren rajko do buru ṭoṭha khon hecʼkate ale upạrte akoren lạṛhại phạdkoko jarwa akatʼkoa.”

Josuạ 15:7

Ar ona do Akor tapol khon Debir hạbicʼ rakapʼ calaoente utạr secʼakʼ lodam reakʼ dạkhin reakʼ Adumimte rakapʼ calakʼ hor reakʼ samaṅ secʼ Gilgal hạbicʼ sen idiyena. Ar Gilgal khon En-Semser reakʼ ạtukʼkan dakʼ hạbicʼ sen idiyente ona do En-Rogel ṭhen mucạtʼena.

Josuạ 24:11

“ ‘Ona tayom ape do Jordan gaḍa paromkate Jerikho nagrahatepe hecʼena. Jerikho nagraharen hoṛko ar Amoriko, Pherisiko, Kananiko, Hittiko, Gergasiko, Hiwiko ar Jebusiko do ape upạrteko lạṛhạiyena, menkhan iń do onko sanamko apeakʼ tireń jimạketʼkoa.

Josuạ 4:18

Ar onate Probhu Isorakʼ goha-sindukko gokʼ idiyetʼkan tahẽkan naekeko do tala gaḍa khon ghuṭuteko rakapʼ hecʼen sãote gaḍa dakʼ do arhõ ạtukʼ ehopʼena ar lahate leka dakʼ do banar sa se rakapʼena.

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Josuạ 5:9

Ona tayom Probhu Isor do Josuại metadea, “Misorre oka henostarepe tahẽkan teheń ona do ape khoniń sạṅgińkeda.” Ar onate teheń hạbicʼ hõ ona jaega do Gilgolko metakʼkana.

Josuạ 9:6

Nonkate onko do Gilgolre Israelkokʼ ḍerare Josuạ samaṅreko seṭerena. Onko do Josuạ ar Israelkoko metatʼkoa, “Ale do ạḍi sạṅgiń disạm khonle hecʼakana; onate ma bondobos baṛe bandhao alepe.”

1 Samuel 10:8

“Am do iń lahate Gilgolte pheḍ calakʼme. Iń do jeredokʼ ar sulukren samaṅokʼakʼ samaṅ lạgitʼ am ṭheniń hijukʼkana. Ar iń ạuriń hijukʼ hạbicʼ am do eae din iń hạbicʼem koyokʼ hora. Ar iń do hecʼkateń lạiyama cetʼ cekae hoyokʼtama.”

1 Samuel 15:33

Menkhan Sạmuele menkeda, “Amakʼ tarwaṛete ḍher maejiukoren hoponko gocʼ ocoakan onkage maejiuko talare eṅgamren hopon hõe adokʼtaea.” Ar niạ katha menkate Sạmuel do Gilgolre Probhu Isor samaṅre Og raj doe samakʼ khanḍa khunḍikedea.