Josuạ 3:8 - সান্তালী বাইবেল

⁸ Am do goha-sinduk gokʼ idiyetʼkan naekekom metakoa jordan gaḍa ḍhipre seṭer tayom jemon laha ńokʼ senkate dakʼre teṅgo akaeko tahen.”

Josuạ 3:8 Iomraidhean Croise

2 Rapajko 2:6

Inạ tayom Eliạ do uniye metadea, “Am do nonḍege tahẽ hataṛokʼme; Probhu Isor do jordan gaḍa hanasa parom calakʼe mitạńkana.” Uniye roṛ ruạṛkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana, iń do bạń bạgiwama.” Onate unkin do calakʼtege kin tahẽyena.

2 Bõsbudạ 29:15

Onko do akoren Liwi boehakoko jarwaketʼkoa ar Probhu Isor ńutumte apnartetʼko begarena. Ona tayom Probhu Isorakʼ hukum leka ar rajakʼ katha leka Probhu Isorakʼ oṛakʼ saphae lạgitʼ bhitriteko boloyena.

2 Bõsbudạ 29:27

Ona tayom Hiskiạ do pinḍ cetanre jeredokʼ samaṅokʼakʼ porob reakʼe hukumkeda. Ar niạ samaṅokʼakʼ porob ehopʼen khan Probhu Isor ńutumte sereń hõko sereńkeda ar ona sãote Israelren raj Dạudakʼ bajna ar sakwa hõko oroṅkeda.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Rak̕joṅ 3:26

Probhu Isor khon bańcao ạuri hoyokʼ hạbicʼ jiwi hataṛkate koyokʼ horge bhagea.

Josuạ 3:17

Ar tin hạbicʼ sanam Israelko jordan gaḍa ạuriko parom cabakʼ un hạbicʼ Probhu Isorakʼ goha-sinduk gokʼ idiyetʼkan naekeko do jordan gaḍare kuṭhạ̃ṛ otreko teṅgo tahẽyena; ar sanam hoṛ do kuṭhạ̃ṛgekoge parom calaoena.

Josuạ 3:7

Unre Probhu Isor do Josuại metadea, “Teheń khon sanam Israelkoakʼ mẽtʼre amakʼ manotiń ḍher ocoya, jemonko bujhạu daṛeakʼ, iń cetʼleka Mose sãoteń tahẽkan onkage am sãore hõ minạńa mente.

Josuạ 3:9

Josuạ do Israelkoe metatʼkoa, “Ape do nonḍe hijukʼpe ar aperen Probhu Isor okae menakatʼ ona ańjompe.

Josuạ 4:11

Ar sanamkoko paromen khan naekeko do Probhu Isorakʼ goha-sindukante hoṛko samaṅteko rakapʼ hecʼena.