Josuạ 3:1 - সান্তালী বাইবেল

¹ Josuạ do ạḍi setakʼreye beretʼente sanam Israelko soṅgekate Siṭim khon uṭhạuente jordan gaḍa ṭhene calaoena. Ar gaḍa ạuriko paromokʼ hạbicʼ onḍegeko tahẽyena.

Josuạ 3:1 Iomraidhean Croise

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

Genesis 22:3

Onate Abraham do ạḍi setakʼre beretʼkate gadhae palanadea. Ar ona tayom acʼren hopon Isahak ar jeredokʼ samaṅokʼakʼ lạgitʼ sahane hataokeda ar acʼren barea gutiye soṅgeketʼkinte Probhu Isor okaṭakʼ ṭhạ̃i reakʼ kathae metade tahẽkan ona secʼe mohnḍayena.

Sereńko 119:60

Okakom hukum akawạdiń ona do ạḍi usạrageń manao akada, ar baṅgeń bilomleda.

Jirimiạ 25:3

“Josiạren hopon Jihudạren raj Amonakʼ rajokʼ gelpe bochor khon ńit hạbicʼ, metakʼme noa bargel pe bochor Probhu Isorakʼ katha do iń ṭhen sodor akana ar iń do aema dhao onań lạiyakatʼpea, menkhan ape do bape lutur akawatʼtińạ.

Jirimiạ 26:5

ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Mark 1:35

Dosar hilokʼ setakʼ ńut tahẽkanrege Jisu doe beretʼena ar oṛakʼ bạgikate mitʼṭecʼ nisun jaegare senkate koejoṅe ehopʼena.

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 6:12

Dosar hilokʼ Josuạ do ạḍi setakʼre jạpitʼ khone beretʼena ar naekeko do Probhu Isorakʼ sindukko gokʼkeda.

Josuạ 6:15

Eaeakʼ dinre onko do ạḍi setakʼreko beretʼena ar eae dhao nagraha beṛhaeteko ạcurena. Eken enhilokʼge onko do eae dhao nagraha beṛhaeteko ạcurena.

Josuạ 7:16

Dosar hilokʼ ạḍi setakʼre Josuạ do gusṭi lekate Israelko Probhu Isor samaṅreye ạguketʼkoa, ar onate Jihudi gusṭirenkoko sapʼ ńamena.

Josuạ 8:10

Dosar hilokʼ Josuạ do ạḍi setakʼre acʼren lạṛhại phạdkoe jarwaketʼkoa. Ar ona tayom uni ar Israelkoren mukhiyạko do onko laha lahate Ae nagraha secʼko mohnḍa idiyena.

Bikʼcạrko 20:19

Dosar hilokʼ setakʼre beretʼkate Israelko do Gibea ṭhenko ḍerayena.

1 Samuel 17:20

Dạud do ạḍi setakʼre beretʼkate mitʼṭen gupiyicʼ ṭhen acʼren bhiḍiko reakʼ bhare emadea. Ona tayom Jisạiakʼ hukum leka joto jinisko hataokateye mohnḍayena. Uni do tinre ḍera ṭhene seṭerena unre Israelren lạṛhại phạdko do rạgạu hohoate sạr sạrteko oḍok hijukʼkan tahẽkana.