Josuạ 24:33 - সান্তালী বাইবেল

³³ Inạ tayom Aronren hopon naeke Eleaser hõe gocʼen khan uni do Gibeareko topakadea. Noa Ephrayim buru ṭoṭha reakʼ ṭhạ̃i do uniren hopon Phinehase emocolena.

Josuạ 24:33 Iomraidhean Croise

2 Samuel 20:21

Katha do onka baṅkana. Ephrayim disạm reakʼ buru ṭoṭharen Bikri hopon Seba ńutuman mitʼṭecʼ hoṛ do Dạud upạrte tiye tulakada. Am do eken uni hoṛ moto ińakʼ tire soprotkaeme, enḍekhan niạ nagraha khon iń doń calao joṅa.” Maejiu do Joabe metadea, “Uniyakʼ bohokʼ do pạcri cetantele capatʼgotʼama.”

1 Rapajko 4:8

Onkoakʼ ńutum do hoyokʼkana: Ephrayim buru ṭoṭharen Ben-Hur.

2 Rapajko 5:22

Gehosiye menkeda, “Jotowakʼge ṭhikgea. Menkhan ińren kisạ̃ṛ do niạ katha lạiyam lạgitʼe kolakadińạ, Ephrayim buru ṭoṭha khon cela-nạbiko modre bar hoṛ do ńitge uni ṭhen kin seṭer akana. Onate dayakate am do unkin lạgitʼ pegel are keji rupạ ar bar joṛa kicricʼ baṛe emokʼme.”

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

Sereńko 49:10

Ạkilan hoṛ hõko gujukʼ ona do sanam hoṛgeko baḍaea; okoeyakʼ bibek bạnukʼtako ar okoeyakʼ ontor goṛdhogetako onko do nonkageko maraokʼa; ar akoakʼ dhon do eṭakʼko lạgitʼko doho oṭokakʼa.

Exodus 6:23

Aronren hopon doko hoyokʼ kana Nadab, Abihu, Eleasar ar Ithamar. Aron do Aminadabren hoponera Nahsonren misera Elisebae baplaledea ar uni khonge noko doko janamlena.

Exodus 6:25

Eleasarren hopon doe hoyokʼ kana Pinhas. Aronren hopon Eleasar do Putialren hoponerae baplaledea ar uniren do Pinhase janamena. Nokoge Lewi gusṭiren mathako tahẽkana.

Sakariạ 1:5

Aperen onko hapṛam do ńitokʼ okare menakʼkoa? Ar nạbiko do cetʼ jaejug jiwetʼko tahena?

Numeri 3:32

Liwikoren maraṅ mukhiyạ do Aronren hopon Eleasere tahẽkana. Sonot ṭhạ̃i ńel jut reakʼ bhar okoeko cetanre tahẽkan onko ńel todarotko lạgitʼ do Eleasere bachao ocolena.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Ibriko 7:24

Menkhan Jisu do jaejug jiwetʼ menaete uniyakʼ naeke giri do tishõ baṅ pheraokʼtaea.

Josuạ 14:1

Eṭakʼ Israelko do Kanan disạmre sompotti lekate jaega jumiko ńamkeda. Naeke Eliaser, Nunren hopon Josuạ ar Israelren judạ judạ gusṭi ar gharońjren mukhiyạko do onako hạṭińatʼkoa.

Josuạ 22:13

Onko do naeke Eleasarren hopon Phinehas do Gileadre Ruben ar Gad gusṭiren hoṛko ar Manase gusṭiren adha hoṛ ṭhenko kolkadea.

Bikʼcạrko 17:8

Uni do eṭakʼ jãhãreye tahena mente jaega sendrae lagitʼ Bethlehem bạgikateye oḍok calaoena. Ar Ephrayim buru ṭoṭhareye tahẽnkan uni Mikạwakʼ oṛakʼteye boloyena.

Bikʼcạrko 18:13

Onḍe khon onko do Ephrayim reakʼ buru ṭoṭhateko rakapʼente Mikạwakʼ oṛakʼteko boloyena.

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

1 Samuel 9:4

Unre Sạul do sendra sendrate Ephrayim buru ṭoṭha ar Salesa ṭoṭhakoteye calaoena, menkhan onko do bae ńamletʼkoa. Ona tayom unkin do Salim ṭoṭhatekin senena, menkhan onḍe hõ gadha eṅgako do bạkin ńamletʼkoa. Ona tayom unkin do Benjạmin ṭoṭhatekin calaoena, ar onḍe hõ bạkin ńamletʼkoa.