Josuạ 24:32 - সান্তালী বাইবেল

³² Israel hoponko do Misor disạm khon Josephakʼ oka jaṅkoko ạgu daraletʼ, ona do Sikemreko topakada. Noa jaega Jakob do Sikemren apattetʼ Hamorren hoponko ṭhen khon mitʼ sae rupạ ṭakateye kirińleda. Noa jaega do Joseph bõsrenkoakʼ sompotti talare tahẽkana.

Josuạ 24:32 Iomraidhean Croise

Genesis 48:22

Amren boehako khon thoṛa ḍher ńokʼ sompottiń ematʼmea. One okaṭakʼ jaega do tarwaṛe ar akʼsarte lạṛhạikate Amorikoakʼ ti khoniń hatletʼ ona jaegage am doń ematʼmea.”

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Genesis 50:25

Ona tayom Joseph do Israelkoe kiriạ ocoketʼkoteye metatʼkoa, “Isor do khạṭige apeye jotonpea. Nonḍe khonpe calakʼre ińakʼ jaṅko hõ iditoraetińpe.”

Exodus 13:19

Mose do Josephakʼ jaṅkoe soṅge torakeda, ente Joseph do Israelkoe kiriạ ocoletʼkoa. Uniye metatʼko tahẽkana, “Isor do khạṭigeye ńel todarotpea. Ar nonḍe khonpe oḍok calakʼre ińakʼ jaṅko hõ soṅgete iditorae tińpe.”

Johan 4:5

Uni do Samariạkoakʼ Sukhạrko metakʼ mitʼṭecʼ nagrahateye hecʼena. Noa nagraha do Jakob acʼren hopon Joseph okaṭakʼ jaegae emade tahẽkan ona sorrege tahẽkana.

Aposkạmi 7:15

Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

Aposkạmi 7:16

Ar onkoakʼ mạ̃ṛĩko do Sikemre idikateko topakada. Noa mạ̃ṛĩ poḍa Abraham do Sikem nagraharen Hamorren hoponko ṭhen khone kirińleda.

Ibriko 11:22

Biswạs iạtege Jakob do gujukʼ jokhecʼ Misor disạm khon Israelko oḍok calakʼ reakʼ kathae metatʼko tahẽkana ar acʼakʼ mạ̃ṛĩ cekae hoyokʼa mente ona hõe lạiyatʼko tahẽkana.