Josuạ 24:27 - সান্তালী বাইবেল

²⁷ Ar sanam hoṛkoe metatʼkoa, “Niạ dhiri do abo upạrte goha leka tahena. Probhu Isor abo ṭhen okako kathae menakatʼ ona do niạ dhirigeye ańjom akada. Ar aperen Isorpe baṅe enḍekhan noa do ape upạrtege gohae ema.”

Josuạ 24:27 Iomraidhean Croise

Jobakʼ 31:23

ente iń do Isor emakʼ sạjạiyiń botorakʼ kana; uniyakʼ ṭhonok do nunạkʼge ḍhera, uni botorte onako do ohoń kạmi daṛekea.

Jobakʼ 31:28

enḍekhan noako hõ ińakʼ sạjại ńam reakʼ kại kana, ente onate sermaren Isor bạń aṅgoc edekana.

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Habakkuk 2:11

Amakʼ oṛakʼ-bhit reakʼ dhiri do am upạrteye lạlisa ar oṛakʼ reakʼ saṅga kaṭ do ona kathageye sãhạ̃kʼakʼa.

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Mathae 10:33

Menkhan okoe hoṛko samaṅre ińe baṅeń iń hõ ińren sermare menae Baba samaṅre uniń baṅea.

Luk 19:40

Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Dosar Biboron 31:19

“Ńitokʼ ape do noa sereń ol dohokakʼpe. Noa do Israelkope cetʼakoa ar onkope sereń ocokoa, jemon onko upạrte mitʼṭecʼ goha leka hoyokʼ.

Dosar Biboron 31:21

Onko cetanre tinre ḍher duk-kosṭoko hijukʼa unre niạ sereńge onko upạrte goha lekae teṅgona, ente onkoren bõsko do noa sereń bako hiṛińa. Ente kiriạ akawatʼko gokʼakʼ disạmte idiko laharege iń doń baḍaea onkoakʼ ontore cetʼ menakʼa mente.”

Dosar Biboron 31:26

“Ạn-ạri reakʼ noa puthi idikate Probhu Isorakʼ bondobos reakʼ sinduk aṛere dohokakʼpe. Noa do Israelko upạrte goha leka tahena.

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Josuạ 22:34

Rubenren ar Gadrenko do ona pinḍ reakʼ ńutumko dohokeda, “Abo talare goha do niạge, Probhu kangeae Isor do.”

Josuạ 24:28

Inạ tayom Josuạ do sanamko apan ạpin jaegateye kolkatʼkoa.

Johan sodor 3:8

uni do noa kathae meneda; iń do amakʼ kạmi reakʼ kathań baḍaegea. Ńelme, iń do am lạgitʼ jhicʼ akatʼ mitʼṭecʼ duạriń dohoakada, one oka siń reakʼ ektiạri do okoeyakʼ hõ bạnukʼtako. Ińiń baḍaea amakʼ daṛe do thoṛagetama, menkhan enhõ am do ińakʼ katham dohoakada ar bam baṅ akadińạ.

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).