Josuạ 24:2 - সান্তালী বাইবেল

² Josuạ do sanam hoṛkoe metatʼkoa, “Israelkoren Probhu Isore meneda, ‘sedae jugre aperen hapṛamko do phurạt gaḍa hanasareko girobasokʼ kan tahẽkana ar debotakoko pujạwako kan tahẽkana. Onko modren mitʼ hoṛe tahẽkana uni do Abraham ar Nahorren apattetʼ Terah.

Josuạ 24:2 Iomraidhean Croise

Genesis 11:22

Serugakʼ pegel bochor hoyentae khan uniren hopon Nahore janamena.

Genesis 11:24

Nahorakʼ bargel are bochor umerre uniren hopon Terahe janamena.

Genesis 11:26

Terahwakʼ eaegel bochor umer tayom uniren hopon Abram, Nahor, ar Haran tekoko janamena.

Genesis 11:27

Noa do hoyokʼ kana Terahren bõskoakʼ katha. Terahren hoponkoakʼ ńutum do tahẽkana Abram, Nahor ar Haran, ar Haranren hoponakʼ ńutum do Lot.

Genesis 31:19

Unre Laban do acʼren bhiḍikoakʼ upʼ kạpciy tako lạgitʼe calao akan tahẽkanre Rahel do acʼ apatakʼ gharońjren murhutʼkoe kombṛoketʼkoa.

Genesis 31:30

Bhagegea, aben ạpumakʼ oṛakʼ calakʼ iạte jiwi lokʼkan tabena ar onateben oḍok hecʼakana, menkhan ạliń gharońjren murhutʼko do cedakʼ ben kombṛo ạguakatʼkoa?”

Genesis 31:32

Ar okoe ṭhen abenren onko murhutʼ ben ńamko uni doe gocʼ ocokʼma. Ạlińakʼ sanam jinisko talare abenakʼ jãhãnakʼ tahen eman khan enḍekhan aleren peṛa-pạrbhạko samaṅrege sendrae ben.” Menkhan Jakob do bae baḍaekan tahẽkana Rahel do onko boṅga murhutʼkoe kombṛo ạguakatʼkoa mente.

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 35:4

Unre onko ṭhen tinạkʼ boṅga murhutʼko tahẽkan onko do Jakobakʼ tireko jimạketʼkoa. Ona sãote lutur reakʼ pagrako hõ uniko emadea. Ar Jakob do onako hataokate Sikem nagraha ṭhenakʼ maraṅ dare buṭạreye topakada.

Jesaea 51:2

Aperen baba Abraham beṅgetʼaepe ar ape okoeye janam akatʼpe uni Sara hõ beṅgetʼaepe. Iń tinreń hohowade tahẽkana unre uni do mitʼ hoṛgeye tahẽkana, ar uniń bhoradete lekhare aema hoṛiń hoy ocoketʼkoa.

Jeheskel 16:3

Am dom mena, Probhu Isor do Jerusaleme metaekana, ‘amakʼ oṛakʼ ar amakʼ janam ṭhạ̃i do Kananren hoṛkoakʼ disạm khonakʼ kana; amren ạpum doe hoyokʼ kana Amori ar eṅgam do Hitti hoṛge.

Luk 3:34

Jihudạ do Jakobren hopon, Jakob do Isahakren hopon, Isahak do Abrahamren hopon, Abraham do Thararen hopon, Thara do Nahorren hopon;

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”