Josuạ 24:15 - সান্তালী বাইবেল

¹⁵ Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Josuạ 24:15 Iomraidhean Croise

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Sereńko 101:2

Sạbit jion khemao lạgitʼ iń moneyakʼa; Am do iń ṭhen tisem hijukʼa? Iń do sạbit monte ińakʼ oṛakʼreń tahena.

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.

Exodus 23:2

Gel hoṛko behok akatʼ iạte amhõ ona do alom onkaea. Jãhãn mamblare goha emokʼ senkate ḍher hoṛko tulucʼ milạukate hok reakʼ bicạrre tạkicʼakʼ alom hoeocoya.

Exodus 23:24

Ape do onkoren boṅgako se debotako alope sewawakoa ar onḍenko hoṛ cetʼko cekae onka hõ alope kạmiya. Ape do onkoren murtikope rạputʼkoa ar onkoakʼ pujạ reakʼ thanko hõpe rạputʼ gidikakʼa.

Exodus 34:15

“Okoe ona disạmreko tahenkan onko sãote cetʼge alope bondobosa, ente onko tinre besapha monte akoren debotako ṭhen apnartetʼko emokʼa ar onko ńutumte janwarko dãṛẽkoa unre apeko neotapea ar ape tulucʼ boṅga ṭhen samaṅakʼ reakʼ jelko joma.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Daniel 3:18

Menkhan E maharaj, ar uni bae onkaere hõ ale do amren debota do bale sewawaea se amem benao akade sonaren murhutʼ hõ bale ḍobokʼaea.”

Levitikus 14:42

Inạ tayom ocokʼen dhiriko reakʼ ṭhạ̃ire nãwã dhiri bạisạukate nãwã hasate potaokakʼ hoyokʼa.

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Dosar Biboron 29:18

Teheń ape talare nonkan herel hoṛ se maejiu se jãhãe gusṭirenko aloko tahenma okoe do aperen Probhu Isor bạgikate onko boṅgako sewawako lạgitʼe lilkạrokʼkan. Ar jãhãe nonkanicʼ menae khan uni do ape talare mitʼṭecʼ rehetʼ leka kanae okoe do sesre bis ar nagdanae upcạu ocoy.

Josuạ 24:16

Hoṛkoko roṛ ruạṛkeda, “Probhu Isor bạgikate eṭakʼ Isorle sewawako ona do ale khon sahaṛ akan tahenma.

Bikʼcạrko 6:10

Ińiń metatʼpe tahẽkana, ińkangeạń Probhu aperen Isor do. Ar okoeyakʼ disạmrepe girobasokʼkan onko Amorikoren debotako do alope sewawakoa;’ menkhan ape do ińakʼ katha bape ańjomleda.”