Josuạ 24:14 - সান্তালী বাইবেল

¹⁴ Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

Josuạ 24:14 Iomraidhean Croise

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Sereńko 130:4

Menkhan am ṭhen do ikạ menakʼa, jemon hoṛko botoram.

Sereńko 81:10

Ińge Probhu, aperen Isor do; Ińge Misor disạm khon ape doń oḍok ạguakatʼpea. Apeakʼ moca cahabtape, ar iń doń ajoapea.

Jeheskel 20:18

Onḍe onkoren hoponko ar hoponerakoń metatʼkoa, onko jemon akoren hapṛamko leka aloko kạmi, onkoakʼ colon leka aloko calakʼma ar onkoren boṅga muṭhạnkote apnartetʼ aloko besaphakʼma.

Jeheskel 23:3

Huḍiń umer khon unkin do Misor disạmre kusumbi kin tahẽkana. Ona disạmrege hoṛko do unkinakʼ bạ̃sko sapʼetʼ tạkin tahẽkana ar kũạri cuńciko locayetʼ tạkin tahẽkana.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Levitikus 17:7

Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Dosar Biboron 18:13

Ape do aperen Probhu Isor samaṅre bin dusạnko leka baṛe tahenpe.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.

Josuạ 24:2

Josuạ do sanam hoṛkoe metatʼkoa, “Israelkoren Probhu Isore meneda, ‘sedae jugre aperen hapṛamko do phurạt gaḍa hanasareko girobasokʼ kan tahẽkana ar debotakoko pujạwako kan tahẽkana. Onko modren mitʼ hoṛe tahẽkana uni do Abraham ar Nahorren apattetʼ Terah.

Josuạ 24:23

Josuại menkeda, “Enḍekhan apeko talare okoe ạnạṛi Isor menakʼko ńitokʼ sạṅgiń giḍikakope ar Israelkoren Probhu Isor secʼ moneyakʼpe.”

1 Samuel 12:14

Ape do Probhu Isorpe botorae, arpe sewawae ar uniyakʼpe bataotaete uni upạrte bape taṛam, ar okoe apeye ḍanṭaope uni aperen raj ar aperen Probhu Isorakʼ sana lekape calakʼ, enḍekhan do bhagegea.

1 Samuel 12:24

Ape do eken Probhu Isor botoraepe ar apeakʼ goṭa ontorte pạtiạr salakʼ uni sewawaepe. Hudispe, ape lạgitʼ uni do tinạkʼ maraṅ maraṅakʼe kạmi akada.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”