Josuạ 24:1 - সান্তালী বাইবেল

¹ Inạ tayom Josuạ do Israelren sanam gusṭirenko Sikemre mitʼ ṭhene jarwaketʼkoa. Uni do Israelren murubbiko, mathako, bikʼcạrko ar kạmiyạkoe hohowatʼkoa. Onkate onko do Isor samaṅreko hạjirena.

Josuạ 24:1 Iomraidhean Croise

Genesis 12:6

Kanan disạm talate calakʼ jokhecʼ Abram do Sikem nagraha ṭhenakʼ More reakʼ sonot dare hạbicʼe sen idiyena. Unre Kananrenko do ona disạmreko girobasokʼ kan tahẽkana.

Genesis 35:4

Unre onko ṭhen tinạkʼ boṅga murhutʼko tahẽkan onko do Jakobakʼ tireko jimạketʼkoa. Ona sãote lutur reakʼ pagrako hõ uniko emadea. Ar Jakob do onako hataokate Sikem nagraha ṭhenakʼ maraṅ dare buṭạreye topakada.

1 Rapajko 12:1

Rehobiam do Sikemteye senena, ente sanam Israelko do uni raje lạgitʼ onḍeko senakan tahẽkana.

2 Rapajko 23:1

Josiạ raj do hoṛ kolkate Jihudạ ar Jerusalemren sanam murubbikoe hoho jarwaketʼkoa.

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Dosar Biboron 29:9

Ona iạte ape do noa bondobos reakʼ sanam hukumko joton salakʼ dohoype jemon sanamakʼ kạmire bhạlại hoyokʼtape.

Josuạ 20:7

Ona iạte Israelko do asrayokʼ nagraha lekate Napthali gusṭirenko do buru ṭoṭhare menakʼ Gạlil reakʼ Kedesre, Ephrayim gusṭirenkoakʼ do buru ṭoṭha reakʼ Sikemre ar Jihudạ gusṭirenkoakʼ do buru ṭoṭha reakʼ Kiriat-Arbare, metakʼme Hebron doko begar dohokeda.

Josuạ 23:2

Mitʼ din uni do sanam Israelko, metakʼme onkoren mukhiyạko, mathako, bikʼcạrko ar kạmiyạko hohowatʼkoteye metatʼkoa, “Ńelpe, iń do aema umer hoyakantińạ, ariń haṛamena.

Bikʼcạrko 20:26

Unre Israelren sanam hoṛ do arhõ Bethelte senkate Probhu Isor samaṅre duṛupʼkate rarakʼko ehopʼena. Enhilokʼ onko do ạyupʼ hạbicʼko upạskeda ar Probhu Isor ńutumte jeredokʼ ar sulukren samaṅokʼakʼko samaṅkeda.

1 Samuel 10:19

Samuel do arhõ menkeda, “Menkhan aperen Isor, okoe do sanam lekan muhin ar muskil khone bańcao akatʼpere hõ, ape do unigepe nihạ̃t giḍi akadea arpe meneda, ‘ale cetanre mitʼṭen raj baṛe emalem.’ Onate ńitokʼ ape do apan ạpin gusṭi ar bõs lekate Probhu Isor samaṅre hạjirokʼpe.”