Josuạ 23:8 - সান্তালী বাইবেল

⁸ Ape do aperen Probhu Isorre sapʼ kajak akae tahenpe, cetʼleka teheń hạbicʼ sapʼakae menakʼpe.

Josuạ 23:8 Iomraidhean Croise

2 Rapajko 18:6

Uni do Probhu Isorre sapʼ kajak akane tahẽkana ar jao okte uniyakʼ horteye taṛametʼ tahẽkana. Probhu Isor do Mose okae hukumade tahẽkan onage uni doe manao idiyetʼ tahẽkana.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

Dosar Biboron 11:22

“Ape do aperen Probhu Isor dulạṛepe, ar uniyakʼ horte calakʼpe ar unire sapʼ kajak akae tahente okako hukumiń emapekan ona joton salakʼ manaope.

Dosar Biboron 13:4

Ape do aperen Probhu Isorakʼ katha leka calakʼ hoyokʼtapea ar uni botorae hoyokʼtapea. Ape do uniyakʼ hukumkope manaoa arpe bataotaea; unipe sewawaea ar unirege jamaṛ akaepe tahena.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Dosar Biboron 4:4

Menkhan ape okoe do aperen Probhu Isorpe sapʼ dohoakade ape do sanamkoge ńitokʼ hõ jiwetʼge menakʼpea.

Dosar Biboron 8:20

Probhu Isor do ape samaṅre jạtrenkoe marao giḍi akatʼko leka Probhu Isorakʼ bebatao iạte ape hõpe marao utạrokʼa.

Josuạ 22:5

Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Josuạ 23:7

Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.

Josuạ 23:9

“Ape samaṅ khon maraṅ ar daṛean jạtrenko do Probhu Isorgeye laga ńir akatʼkoa. Teheń hạbicʼ okoehõ ape samaṅre bako ṭeṅgo ṭarhao daṛe akawada.