Josuạ 23:15 - সান্তালী বাইবেল

^15-16 Menkhan aperen Probhu Isorakʼ emakʼ bondobos bape manao, ar senkate debotakope sewawako arpe ḍobokʼako, enḍekhan aperen Probhu Isor do okaṭakʼ bhạlạiype reakʼe gokʼ akatʼ ar cetʼleka onako reakʼ purạu akan onkage Probhu Isor do baṅ bhạlạiype reakʼ oka botore udukʼ akatʼpe ona joto do apereye paṛao ocoya ar okaṭakʼ mońj disạme emakawatʼpe sesre ona khone marao giḍikapea. Ar Probhu Isorakʼ edre do ape upạrte jolokʼtege tahena, ar okaṭakʼ mońj disạme emakawatʼpe ona khon ạḍi usạragepe marao utạrokʼa.”

Josuạ 23:15 Iomraidhean Croise

1 Rapajko 14:15

Probhu Isor do Israelkoe ńẽtʼketʼkoa, onate onko do dakʼre hilạukʼ kan pạṭiol ghãs lekako hoyokʼa. Ar okaṭakʼ disạm onkoren hapṛamkoe ematʼko tahẽkan ona mońj disạm khone or totʼkoa ar Phurạt gaḍa hanasareye giḍikakoa, ente onko do Asera muṭhạn benaokate Probhu Isorko edre ocoakadea.

1 Rapajko 8:56

“Bhạgangeae Probhu Isor do, one okoe acʼakʼ gokʼakʼ lekate acʼren Israel hoṛkoe jirạu ocoakatʼko. Uniren guti Mose hotete okako bhạlại reakʼe gokʼletʼ ona reakʼ mitʼṭecʼ katha hõ uni do bae ạuṛiyakʼ ocoakada.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,

Jirimiạ 32:42

“Iń do noko hoṛko cetanre cetʼleka niạ maraṅ muhiniń ạguakatʼ onkage onko do ińakʼ gokʼakʼ sanamakʼ bhạlạiyiń danakoa.

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Levitikus 26:3

“Ińakʼ sanam niạmkope manao ar ińakʼ hukum lekape senokʼ enḍekhan iń do okte nạpitre dakʼ iń kolapea. Onate apeakʼ jumire purạ phosolpe ńama ar dareko hõ jo bahakʼ tapea.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.

Bikʼcạrko 3:12

Israel hoponko do Probhu Isorakʼ mẽtʼre oka bạṛicʼakʼkan onage arhõ kạmiko ehopʼena. Onate Probhu Isor do Israel hoponko upạrte Moabren Eglon raje daṛe ocokedea.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Bikʼcạrko 6:1

Israelko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onate uni do Midiạnrenkoakʼ tireye jimạkatʼkoa ar eae bochor hạbicʼ onko gobolreye dohoketʼkoa.