Josuạ 23:10 - সান্তালী বাইবেল

¹⁰ Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.

Josuạ 23:10 Iomraidhean Croise

2 Samuel 23:8

Dạudren birbanṭa hoṛkoakʼ ńutum do nonka leka: Tahkemonren Joseb-Boseboth do pene birbanṭakoren mathae tahẽkana. Mitʼṭen lạṛhạire uni do irạlsae hoṛe gocʼletʼkote Esniren Adinoko metaekan tahẽkana.

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

1 Bõsbudạ 5:22

Ona chaḍa ḍher bạiriko gocʼena, ente Isorakʼ ạyurtege noa lạṛhại do hoylena. Ar Israelko ạuriko bondi idi ocokʼ hạbicʼ onḍegeko girobasokʼ kan tahẽkana.

Sereńko 35:1

E Probhu Isor, okoe doko iń upạrtenkan onko upạrte amhõ teṅgonme; ar iń upạrte okoeko lạṛhạikan onko upạrte amhõ lạṛhạime.

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Exodus 14:14

Ape do eken thir hape akae tahenpe. Probhuge aperen hoykateye lạṛhạiya.”

Jesaea 30:17

Mitʼ hoṛ botoraete aperen do hajar hoṛko dạṛa ar mõṛẽ hoṛ botorakote sanamkogepe dạṛ pạnḍuja; onate aperen lạṛhại phạdko do buru cetan reakʼ jhạnḍi chaḍa ar cetʼge baṅ tahentakoa.

Levitikus 26:7

Aperen bạirikope laga ńirkoa ar onko do ape samaṅreko gujukʼa.

Levitikus 26:8

Ape do eken mõṛẽ hoṛte mitʼsae bạiriko ar mitʼsae hoṛte gel hajar bạiripe laga ńirkoa, ar bạiriko do ape samaṅreko gujukʼa.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Dosar Biboron 28:7

“Bạiri lekate okoe ape upạrteko teṅgokʼ onko do Probhu Isorgeye nonkakoa jemon ape ṭhenko bhagao ocokʼ. Onko do mitʼ horte apere jhãpko ema menkhan eae horteko dạṛ pạnḍuja.

Dosar Biboron 3:22

Onko do alope botorakoa; aperen Probhu Isorge ape secʼ hoykateye lạṛhạiya.’

Dosar Biboron 32:20

Uni doe menkeda, “Iń do onko khon ińakʼ mẽtʼãhãń danaṅtińạ, ar sesre cetʼ hoyokʼtako onań ńela; ente onko do peṛta pirthimi ar bin pạtiạran hoponko kanako.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Josuạ 23:11

Onate aperen Probhu Isorakʼ dulạṛ reakʼ purạte moneyakʼpe.

Josuạ 23:3

Ar aperen Probhu Isor do ape lạgitʼ onko jạtrenko cetanre okae ceka akatʼ ona do apeakʼ mẽtʼtegepe ńelana. Aperen Probhu Isor do acʼ apnarge ape huyạteye lạṛhại akana.

Bikʼcạrko 15:15

Unre uni do gadhawakʼ berel jambeye hataokeda ar onate mitʼ hajar hoṛe gocʼketʼkoa.

Bikʼcạrko 3:31

Ehud tayom do Anatren hopon Samgar onkoren raje hoyena. Uni do ḍaṅgra gupi ṭheṅgate Philisṭikoren turui sae hoṛe gocʼketʼkoa. Uni hõ Israelkoe rukhiyạletʼkoa.

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”