Josuạ 22:8 - সান্তালী বাইবেল

⁸ “Ape do ạḍi utạr mĩhũ-merom, sona, rupạ, pitạl, mẽṛhẽtʼ ar aema kicricʼ khạnḍwạkʼ ar dhonko hoyakantapea. Ńitokʼ ape do noako idiyte ruạṛ senokʼpe. Ar aperen bạiriko ṭhen khonpe luṭ akatʼ jinisko aperen boehako hõ hạṭińakope.”

Josuạ 22:8 Iomraidhean Croise

1 Bõsbudạ 5:9

Gileadre onkoren ạsul janwarkoko saṅge idiyen khan purub secʼ reakʼ hahaṅkar ṭoṭha oka khon ehopʼ akan ona hạbicʼko dokholkeda. Noa hahaṅkar jaega do phurạt gaḍa reakʼ pạchim secʼre tahẽkana.

2 Bõsbudạ 17:5

Ona iạte Probhu Isor do uni tabere rajosṭiye ṭarhaokeda. Ar Jihudạren sanam hoṛko do Jehosaphat dan sandesko emadea; onate uniyakʼ dhon-durib do ḍherena ar manot hõ ḍherentaea.

2 Bõsbudạ 32:27

Hiskiạwakʼ do ạḍi utạr dhon-durib tahẽkantaea. Uniyakʼ sona, rupạ, muni, mukta, jut so mosola, ḍhal ar sanam lekan damanakʼ jinisko dohoy lạgitʼ uni do mitʼṭecʼ khajańci oṛakʼe benaokeda.

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

Kạhtukko 3:16

Uniyakʼ jojom tire do ḍher bahaokʼ din menakʼa ar leṅga tire do dhon ar manot menakʼtaea.

Numeri 31:27

Ar luṭ ạguakʼ jotowakʼ dope bar hạṭińa ar mitʼ hạṭiń do palṭonko ar sarecʼ hạṭiń do somajren hoṛpe hạṭińakoa.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

1 Samuel 30:16

Uni do onko ṭhen Dạude idikedea. Unre onko do ṭạnḍire hanḍe nanḍeko pasnao akan, jojom arko ńũńũkan, ar bubulakʼ ńũkateko enecʼ sereń joṅkan tahẽkana, ente Philisṭikoakʼ disạm ar Jihudạkoakʼ ṭoṭha khon onko do ḍher jinisko luṭ ạguakatʼ tahẽkana.

1 Samuel 30:24

Apeakʼ niạko kathare okoehõ bako rạjikʼa. Okoe do lạṛhạiko senlen ar okoe do jinisko horhoyetʼ tahẽkan onko jotoge inạ mitʼ leka hạṭińko ńama.”