Josuạ 22:6 - সান্তালী বাইবেল

⁶ Inạ tayom Josuạ do onkoe bhoratʼkoteye bidạkatʼkoa ar onko do akoakʼ jaegateko ruạṛ calaoena.

Josuạ 22:6 Iomraidhean Croise

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Genesis 47:10

Inạ tayom Jakob do Pharaoe bhoradete onḍe khone calaoena.

Genesis 47:7

Inạ tayom Joseph do Pharao ṭhen acʼren apate ạgukedea, ar Jakob do Pharao ạsirbade emadea.

2 Samuel 6:18

Jeredokʼ ar sulukren samaṅokʼakʼe samaṅketʼ khan Dạud do sanam daṛeanicʼ Probhu Isor ńutumte hoṛkoe bhoratʼkoa.

2 Samuel 6:19

Ona tayom uni do sanam hoṛko, metatʼme jarwa akan Israelren sanam herelhoṛ ar maejiuko mimitʼ goṭecʼ piṭhạ, ar mimitʼ dholma jel ar mimitʼ goṭecʼ kismis piṭhại ematʼkoa. Ar ona tayom onko do apan ạpin oṛakʼteko ruạṛ calaoena.

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

2 Bõsbudạ 30:18

Ephrayim, Manasi, Isakar ar Sebulon gusṭiren ḍher hoṛkoge apnar saphako baṅkate niạm upạrte bańcaokʼ porob reakʼ bhojko jomkeda. Menkhan Hiskiạ do onko ńutumte koekateye menkeda, “Mundil reakʼ niạm lekate bako sapha akanre hõ enhõ okoe do onkoren hapṛamkoren Probhu Isorakʼ sana leka calakʼ lạgitʼko mon muruk akatʼ, onko sanamko jemon dayawạnicʼ Isor baṛeye ikạkako.”

Exodus 39:43

Mose do onkoakʼ joto kạmi ńelteye bujhạukeda, Probhu Isorakʼ hukum lekage jotowakʼ kạmi do hoyakana. Onate Mose do Israelkoe bhoratʼkoa.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Luk 24:50

Jisu do acʼren celako sãote Bethaniạ hạbicʼe calaoena. Ar onḍe uni do acʼakʼ ti tiyạrkate onkoe bhoratʼkoa.

Josuạ 14:13

Niạ katha ańjomkate Josuạ do Jephunren hopon Kalebe bhoradea ar sompotti lekate Hebron nagrahae emadea.

Josuạ 24:28

Inạ tayom Josuạ do sanamko apan ạpin jaegateye kolkatʼkoa.

1 Samuel 10:25

Unre Samuel do rajosṭi ḍanṭao reakʼ niạm lekate hoṛko ṭhene lại jạhirkeda. Uni do onako mitʼṭecʼ puthire olkate Probhu Isor samaṅreye dohokeda. Ar ona tayom hoṛko do apan ạpin oṛakʼteye bidạkatʼkoa.

1 Samuel 2:20

Ar Eli do Elkana ar uniren bạhuttetʼe bhorakin jokhecʼe menetʼ tahẽkana, “Nui maejiu Probhu Isor ṭhen okoeṭakʼ hopone dan akade uni bodolte Probhu Isor do uniyakʼ kukhire arhõ gidrại emaea.” Ar inạ tayom onko do akoakʼ oṛakʼteko ruạṛ calakʼkan tahẽkana.