Josuạ 22:5 - সান্তালী বাইবেল

⁵ Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Josuạ 22:5 Iomraidhean Croise

Sereńko 106:3

Bhạgangeako onko do, okoe do hok reakʼko bicạretʼ ar jaoge bhage kạmiko kạmikan.

Sereńko 78:7

Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Exodus 20:6

Menkhan okoe ińko dulạṛiń ar ińakʼ hukum lekako calakʼ, onko do hajar piṛhi hạbicʼ iń dayawakoa.

Exodus 23:13

“Iń okakoń hukumatʼpe ona reakʼ mitʼke mitʼ manaope. Ar jãhãe debotawakʼ ńutumko alope ńuma, ar apeakʼ mocare hõ alo ańjomokʼ ma.

Exodus 23:25

Ape do eken aperen Probhu Isorge, metatʼme ińgepe sewawạńạ. Onate apeakʼ jomakʼ ar dakʼre ińakʼ bhor tahena ar ińge apeakʼ sanam ruạ hasokoń ocogtapea.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Mathae 22:37

Jisu do uniye metadea, “Sanam khon maraṅ ar jạruṛokʼakʼ hukum do hoyokʼ kana,

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Luk 1:74

Uni do bạirikoakʼ ti khon aboe bańcaoketʼbona jemon tinạkʼ din jiwetʼbon tahen sonot ar dhoromre acʼ samaṅre teṅgo akan begor botor salakʼ bon sewa daṛeae.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 14:15

“Ińpe dulạṛediń khan ińakʼ sanam hukumkope dohoya.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Romiko lạgitʼ Pạul Apostolakʼ ciṭhi 1:9

Isorren Hopon reaṅ bhage sombat porcarte ińakʼ goṭa ontorte iń do Isoriń sewawae kana. Iń do tinạkʼ dhaoiń koejoṅkan unạkʼ dhaoge apeń disạ akatʼpea, ar onaren goha do unige.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Dosar Biboron 11:13

“Ape do aperen Probhu Isorpe dulạṛea ar goṭa mon ar ontorte uni sewawae reakʼ okaṭakʼ iń hukum akatʼpe ona pạtiạr salakʼpe manaoa.

Dosar Biboron 11:22

“Ape do aperen Probhu Isor dulạṛepe, ar uniyakʼ horte calakʼpe ar unire sapʼ kajak akae tahente okako hukumiń emapekan ona joton salakʼ manaope.

Dosar Biboron 13:4

Ape do aperen Probhu Isorakʼ katha leka calakʼ hoyokʼtapea ar uni botorae hoyokʼtapea. Ape do uniyakʼ hukumkope manaoa arpe bataotaea; unipe sewawaea ar unirege jamaṛ akaepe tahena.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Dosar Biboron 4:4

Menkhan ape okoe do aperen Probhu Isorpe sapʼ dohoakade ape do sanamkoge ńitokʼ hõ jiwetʼge menakʼpea.

Dosar Biboron 4:6

Noako manao idi talate eṭakʼ jạtren hoṛko samaṅre apeakʼ bud ạkil do sodorokʼtapea. Ar noako niạm reaṅ ańjomkateko mena, ‘onko do jạtren lekate sạrigeko maraṅgea arko ạkilangea ar budan hoṛkanako.’

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 5:10

Menkhan okoe ińko dulạṛiń ar ińakʼ hukum lekako calakʼ onko do hajar piṛhi hạbicʼ iń dayawakoa.

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Josuạ 23:8

Ape do aperen Probhu Isorre sapʼ kajak akae tahenpe, cetʼleka teheń hạbicʼ sapʼakae menakʼpe.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

1 Samuel 12:20

Samuele roṛ ruạṛkeda, “Alope botorokʼa. Apepe kại akatʼrehõ enhõ Probhu Isor ṭhen khon pharakokʼ baṅkate goṭa ontorte uni sewawaepe.

1 Samuel 12:24

Ape do eken Probhu Isor botoraepe ar apeakʼ goṭa ontorte pạtiạr salakʼ uni sewawaepe. Hudispe, ape lạgitʼ uni do tinạkʼ maraṅ maraṅakʼe kạmi akada.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”