Josuạ 22:28 - সান্তালী বাইবেল

²⁸ “Ale dole hudisleda, onko do ale se aleren hoponko ona kathako metakore onkole roṛ ruạṛakoa, ‘Probhu Isorakʼ pinḍ leka ńelokʼkan noa pinḍ beṅgetʼakʼpe. Jeredokʼ samaṅokʼakʼ ar eṭakʼ janwarko samaṅko lạgitʼ aleren hapṛamko noa do bako benao akada menkhan ape ar ale talare jemon noa do goha leka tahen ona lạgitʼko benao akada.’

Josuạ 22:28 Iomraidhean Croise

Genesis 31:48

Labane menkeda, “Teheń do noa ḍhipige alaṅ talare goha tahẽyena.” Ona iạte noa ḍhipi reakʼ ńutum do Galedkin dohokeda.

2 Rapajko 16:10

Unre Ahas raj do Damesekte Asurren raj Tiglot-Pileser sãote ńapamokʼ lạgitʼe senena. Uni do onḍenakʼ pinḍ ńelte ona benao reakʼ monsubạ ar ona reakʼ nạmuna do naeke Uriạ ṭhene kolkeda.

Exodus 25:40

Noa buru cetanre okako nạmunań udukʼatʼme ṭhik onka lekage jotowakʼem benao ocoya.

Jesaea 19:19

Enhilokʼ Misor disạm talare Probhu Isor ńutumte mitʼṭecʼ pinḍ ar ona reakʼ simạnare mitʼṭecʼ tham khunṭi tahena.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

Josuạ 22:27

Ona do ape ar ale talare ar aboren hoponko talare niạ gohae ema, abon do Probhu Isor samaṅrege aboren jeredokʼ samaṅokʼakʼ ar eṭakʼ janwar samaṅokʼakʼ ar sulukren samaṅokʼakʼko bon samaṅa. Enḍekhan tayom daram dinkore aperen hoponko do aleren hoponko niạ katha bako men daṛeakoa, ‘Probhu Isor cetanre apeakʼ do jãhãn bakhra bạnukʼtapea.’

Josuạ 22:29

“Aleren Isor Probhu Isorakʼ ḍera tạmbu samaṅre okaṭakʼ pinḍ menakʼ ona chaḍa jeredokʼ samaṅokʼakʼ, jomakʼ samaṅokʼakʼ ar janwarko samaṅko lạgitʼ eṭakʼ jãhãn pinḍ benaokate Probhu Isor upạrtele hul ar uniyakʼ hor khonle ghańjeṛokʼ ona do ale khon sạṅgińre tahenma.”

Josuạ 24:27

Ar sanam hoṛkoe metatʼkoa, “Niạ dhiri do abo upạrte goha leka tahena. Probhu Isor abo ṭhen okako kathae menakatʼ ona do niạ dhirigeye ańjom akada. Ar aperen Isorpe baṅe enḍekhan noa do ape upạrtege gohae ema.”