Josuạ 22:25 - সান্তালী বাইবেল

²⁵ Probhu Isor do Rubenrenko, Gadrenko, apeko ar ale talare jordan gaḍa do simạna lekateye dohoakada. Onate Probhu Isor cetanre apeakʼ do jãhãn bakhra bạnukʼtapea.’ Ar hoedaṛeakʼa aperen hoponko do aleren hoponko Probhu Isor sewawae khonko bạgi ocokoa.

Josuạ 22:25 Iomraidhean Croise

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

1 Rapajko 12:16

Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼanaṅ. E Israelko Do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 15:30

Niạ reakʼ karon do hoyena, Jerobiam do apnartetʼe kạileda ar Israelko hõe kại ocoletʼkoa ar onae onkaketʼte uni do Israelkoren Isorakʼ pite caṛhao ocoketʼtaea.

Nehemiạ 2:20

Iń do onkoń roṛ ruạṛatʼkoa, “Sermaren Isor do aleye jo baha ocolea. Ale do uniren gutiko kanale, onate pạcri do arhõle gathao aroya, menkhan Jerusalem do apeakʼ jãhãn sompotti, jãhãn dạbiteakʼ se jãhãn ạidạriyakʼ do baṅkana.”

Sereńko 16:5

E Probhu Isor, am kangeam ińakʼ dhon do; ar am kangeam tetaṅedeń kan dakʼ do. Ar amge ińakʼ gulibãṭteakʼ bakhram jogaoetʼtińạ,

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Josuạ 22:24

“Ale do noa botorte pinḍle benao akada, hoedaṛeakʼa ape se aperen bõsko do aleren bõskoko metakoa, ‘Israelkoren Probhu Isor sãote apeakʼ do cetʼ menakʼtapea?

Josuạ 22:26

“Onategele menleda, ‘dela hijukʼte, mitʼṭecʼ pinḍ bon benaojoṅa.’ Menkhan ona do jãhãn jeredokʼ samaṅokʼakʼ se eṭakʼ janwar samaṅko lạgitʼ do baṅkana.

Josuạ 22:27

Ona do ape ar ale talare ar aboren hoponko talare niạ gohae ema, abon do Probhu Isor samaṅrege aboren jeredokʼ samaṅokʼakʼ ar eṭakʼ janwar samaṅokʼakʼ ar sulukren samaṅokʼakʼko bon samaṅa. Enḍekhan tayom daram dinkore aperen hoponko do aleren hoponko niạ katha bako men daṛeakoa, ‘Probhu Isor cetanre apeakʼ do jãhãn bakhra bạnukʼtapea.’

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’