Josuạ 22:15 - সান্তালী বাইবেল

¹⁵ Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,

Josuạ 22:15 Iomraidhean Croise

1 Bõsbudạ 21:3

Menkhan Joab doe roṛ ruạṛkeda, “Probhu Isor do jemon acʼren hoṛko mitʼsae doboṛe saṅge ocoko. E ińren kisạ̃ṛ maharaj, noko sanamkoge cetʼ amren guti doko baṅkana? Enḍekhan cedakʼ ińren Probhu Isor do niạ kạmi lạgitʼe khojkana? Ar cedakʼ baṅ am iạte goṭa Israel jạtrenko dusiko hoyokʼ?”

2 Bõsbudạ 10:19

Nonkate Israelko do Dạudren bõsko cetanreko hulkeda; ar teheń hạbicʼ hõ onkage menakʼa.

2 Bõsbudạ 25:27

Amasiạ do Probhu Isorakʼ hor khone ocokʼen khan hoṛko do Jerusalemre uni upạrteko soṛojontrokeda. Onate uni do Lakisteye dạṛkeda, menkhan hoṛko do Lakhiste hoṛ kolkate onḍeko gocʼkedea.

2 Bõsbudạ 26:18

Onko do uni teṅgo daramkedeteko metadea, “E Usiạ, Probhu Isor ńutumte amakʼ dhup jered reakʼ ektiạri do bạnukʼtama. Aronren bõsko, okoe do dhup jered lạgitʼko begar ocoakan, eken onko motoge ạidạri menakʼtakoa. Niạ sonot ṭhạ̃i khon do oḍok calakʼme, ente am dom ghạṭ akada. Noa iạte Probhu Isor do khạṭigeye sạjạimea.”

2 Bõsbudạ 28:13

Onkoko menkeda, “Bondi hoṛko do nonḍe alope ạgukoa; arpe ạguleko khan Probhu Isor ṭhen ale hõ dusile hoyokʼa. Aleakʼ kại ar dos sãote cetʼ ape do arhõ jãhãnakʼ jutucʼakʼpe khojkana? Ape dope dusigea ar Probhu Isorakʼ edre hõ Israelko cetanre menakʼtaea.

Esra 9:15

E Israelren Probhu Isor, am dom dhoromgea. Ale do teheń hạbicʼ thoṛa hoṛ jiwetʼ menakʼlea. Menkhan am samaṅre do sanamkogele kạiyan hoṛ kana, ar onate ale do okoehõ am samaṅre teṅgokʼ lek dole baṅkana.”

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Levitikus 26:40

“Ińre bepạtiạu ar iń birudre teṅgokʼ iạte iń hõ onko upạrteń teṅgona ar bạirikoakʼ disạmteń idikoa. Menkhan onḍe ako ar akoren hapṛamkoakʼ dosko aṅgocte ontorko nidhạntakoa ar dos akatʼ iạte sạjại reakʼko ataṅ,

Levitikus 5:19

Noa do kại ńutumte mitʼṭen samaṅokʼakʼ kana, ente uni do Probhu Isor samaṅreye dusigea.”

Numeri 14:43

Onḍe ape do Amalekiko ar Kananrenko samaṅrepe paṛaokʼa. Ar Probhu Isor khonpe sahaṛ akante uni do ape tulucʼ bae tahena. Onate ape do lạṛhạirepe gujukʼa.”

Numeri 32:15

Ar uniyakʼ katha leka jodi bape calakʼ, enḍekhan niạ dhao hõ hahaṅkarre uni do noko hoṛkoe doho giḍikakoa, ar ape iạtege onkoakʼ maraokʼ do hoyokʼtakoa.”

Numeri 5:6

“Israel hoponkom metakoa, manwa okako kại ona reakʼ mitʼṭecʼ kạmikate jãhãe herel se maejiu Probhu Isorre bepạtiạre hoylen khan uni doe dusi ocokʼa.

Mathae 18:17

Ar onkoakʼ katha hõ bae ańjomle khan enḍekhan manḍerrenko lạiyakome. Ar manḍerrenkoakʼ katha hõ bae ańjom khan uni do boṅgan hoṛ jạtren se mạsul uṭhạu hoṛko leka bujhạuem.

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn doladuli alo tahen ma, bickom ape do mitʼmon ar mitʼakan tahenpe.

1 Korinthiko 5:4

Ińakʼ bicạr do noage, aboren Probhu Jisu ńutumte mitʼ ṭhenpe jarwakʼre iń hõ Jiu secʼte ape tulucʼ iń tahena ar Probhu Jisuakʼ daṛe do abo cetanre tahena,

Dosar Biboron 30:17

“Menkhan apeakʼ ontor uni khon ocogokʼtape ar uniyakʼ bape bataotae ar eṭakʼ debotako ṭhenpe ḍobog arpe sewawako,

Dosar Biboron 7:4

ente onko kuṛiko do iń ṭhen khon aperen hoponkoko pharakkoa ar onkoren debotako sewa ocokoa. Onate Probhu Isorakʼ edre seṅgel do ape upạrte jolokʼa ar apeye marao utạrpea.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Josuạ 22:12

unre sarecʼ Israelko do onko upạrte lạṛhại lạgitʼ Siloreko jarwayena.

Josuạ 22:14

Onko do akoren mimitʼ gusṭi khon mitʼ hoṛkate jotote gel goṭen mukhiyạko Phinehas sãoteko kolkatʼkoa. Noko gelko do jotoge Israel bõsren mathako tahẽkana.

Josuạ 22:16

“Probhu Isorakʼ manḍerren jotogeko meneda, ‘Israelren Isor upạrte cedakʼ nonka dope kạmikana? Cedakʼ teheń do Probhu Isorakʼ hor khonpe ghańjeṛ akana ar uni upạrte hulkate ape lạgitʼ pinḍpe benao akada?

Josuạ 22:18

ar ńitokʼ arhõ ape do Probhu Isorakʼ hor khon ghańjeṛokʼpe meneda? Teheń Probhu Isor upạrtepe hul enḍekhan gapage uni do aboakʼ goṭa Israel manḍerko cetanre edreye sodortaea.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”