Josuạ 20:8 - সান্তালী বাইবেল

⁸ Jerikho samaṅ jordan gaḍa reakʼ purub secʼ Ruben gusṭirenkoakʼ do bilạn ṭạnḍi hahaṅkar ṭoṭha reakʼ Beserre, Gad gusṭirenkoakʼ do Gilead reakʼ Ramotre ar Manase gusṭirenkoakʼ do Bason reakʼ Golanre asrayokʼ lạgitʼ nagrahako ṭhikkeda.

Josuạ 20:8 Iomraidhean Croise

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

2 Rapajko 8:28

Aramren raj Hosael upạrte lạṛhại lạgitʼ Ahasiạ do Ahabren hopon Jehoram sãote Ramot-Gileadteye senena. Unre Aramren hoṛ do Jehoramko ghạlkedea. Ar ona ghạl khon bogekʼ lạgitʼ Jehoram do Jisriyelteye ruạṛ calaoena. Ahabren hopon Jehoram doe ghạl akan tahẽkante Jihudạren raj Jehoramren hopon Ahasiạ do uni ńele lạgitʼ Jisriyelteye calaoena.

1 Bõsbudạ 6:78

Onko do Jerikho reakʼ purub secʼ jordan gaḍa hanasare Ruben gusṭiko reakʼ ṭoṭha khon hahaṅkar reakʼ Beth-sor, Jahosa, Kodemoth ar Mephat ar onako beṛhaeteakʼ janwar ạtiń ṭạnḍiko ńamkeda.

1 Bõsbudạ 6:80

Onko do Gad gusṭi reakʼ ṭoṭha khon Gilead reakʼ Ramot, Mohoniam, Hisbon ar Jaser ar onako beṛhaeteakʼ janwar ạtiń ṭạnḍiko ńamkeda.

Dosar Biboron 3:10

Ar onako bilạn ṭạnḍi reakʼ sanam atoko ar nagrahako, goṭa Gilead ṭoṭha ar Basonren raj Ogakʼ rajosṭi Salka ar Edre hạbicʼ goṭa Bason disạmge abo dobon dokholkeda.

Josuạ 20:7

Ona iạte Israelko do asrayokʼ nagraha lekate Napthali gusṭirenko do buru ṭoṭhare menakʼ Gạlil reakʼ Kedesre, Ephrayim gusṭirenkoakʼ do buru ṭoṭha reakʼ Sikemre ar Jihudạ gusṭirenkoakʼ do buru ṭoṭha reakʼ Kiriat-Arbare, metakʼme Hebron doko begar dohokeda.

Josuạ 20:9

Jãhãe Israel hoponko se onko talareko girobasokʼkan eṭakʼ jãhãn jạtrenko ackage jãhãeye goje enḍekhan uni do onako nagraha reakʼ jãhãṭakʼ mitʼṭecʼte senkateye ńir bańcao daṛeakʼa. Ar mãyãm halayicʼ do bạisire khũniạhiyakʼ bicạr ạuri hoyokʼtae hạbicʼ bae gocʼ daṛeaea.

Josuạ 21:27

Manase gusṭiren adha hoṛkoakʼ jaega khon Bason disạm reakʼ Golan ar Bestera ńutumanakʼ barea ato ar ona sãoteakʼ ạtiń ṭạnḍi do Liwi gusṭiren Gersonkoko emocoyena.

Josuạ 21:36

Ona chaḍa Ruben gusṭirenkoakʼ jaega khon ạsul janwar ạtiń ṭạnḍiko sudhạ Beser, Johas, Kedemot ar Mephat ar Mephat ńutuman ponea atoko emocoyena.

Josuạ 21:38

Gad gusṭirenkoakʼ jaega khon Gileadkoakʼ Ramot, Mahanayim, Hesbon ar Jaser ńutumanakʼ ponea ato ar ona sãoteakʼ ạtiń ṭạnḍiko emocoyena. Inạko modre Ramot do khũniạhiko lạgitʼ asrayokʼ nagraha tahẽkana.