Josuạ 2:14 - সান্তালী বাইবেল

¹⁴ Ona katha ańjomkate unkin hoṛ dokin menkeda, “Ạliń do ạlińakʼ katha leka bạliń kạmi enḍekhan ape bodolte ạlińakʼ jiwi calakʼma. Ar ạlińakʼ katha okoe ṭhen hõ bam sodor enḍekhan tinre Probhu Isor do niạ disạm aleye emalea unre ale do ape sãote mońjle beohara ar ape cetanre pạtiạrankole tahena.”

Josuạ 2:14 Iomraidhean Croise

Genesis 24:49

Ńitokʼ ape do ińren kisạ̃ṛ lạgitʼ pạtiạrpe kạmiya se baṅ ona baṛe lạiyạńpe. Ar bape onkae khan ona hõ lạiyạńpe jemon eṭakʼ jãhãteń sen daṛeakʼ.”

Genesis 47:29

Gujukʼ thoṛa din lahare Israel do acʼren hopon Joseph hohowadeteye metadea, “Am nońjorre dayań ńamakatʼ khan ińakʼ bulu latarre amakʼ ti dohoyme ar gokʼạńme, ińre am do biswạsem tahena. Misorre iń do alom topayińạ,

2 Samuel 2:5

Unre uni do hoṛ kolkate Jabes-Gileadren hoṛko niạ kathae metatʼkoa, “Aleren mạlik Sạulpe topakede iạte unire okaṭakʼ pạtiạrpe udukʼ akatʼ onate Probhu Isore bhorape ma.

2 Samuel 2:6

Uni do ńitokʼ acʼakʼ dulạṛ ar pạtiạrtetʼ apeye udukʼape ma, ar apeakʼ ona kạmi iạte ińhõ ape tulucʼ mońjiń beohara.

2 Samuel 9:1

Mitʼdin Dạud doe kuliyana, “Ńit hạbicʼ cetʼ Sạul gharońjren jãhãe jiwetʼ menakʼkoa, one onko lạgitʼ Jonathan khạtirte dayań udukʼ daṛeke?”

1 Rapajko 20:39

Ar raj do ona horteye calakʼkan tahẽkan jokhecʼ nạbi do raj hohoadeteye metadea, “Amren guti do lạṛhại talareń senlena. Unre mitʼṭen hoṛ do mitʼṭen bondi akade hoṛ ạgukedeteye metadińạ, ‘nui hoṛ horho hataṛeme. Are atʼlen khan uniyakʼ jiwi bodolte amakʼ jiwi calakʼtama, ar baṅ khan pegel are keji rupạ do juribana lekate emokʼ hoyokʼtama.’

Kạhtukko 14:22

Okoe bạṛicʼ kạmi lạgitʼ phundiko aṭaoetʼ onko do cetʼ bạṛicʼ secʼ bako calakʼ kana? Menkhan okoe do bhạlại lạgitʼko ponthayetʼ onko lạgitʼ do pạtiạr ar biswạsgeko ńama.

Kạhtukko 18:24

Okoeren aema gate menakʼko uniyakʼ jarkhar do ḍherge hoe botecʼjokʼtaea, menkhan nonkan gate menakʼkoa okoe do boeha khon hõ ḍhere pạtiạrge.

Mathae 5:7

Mãyãkʼkogeko bhạgana, ente onko do mãyãko ńama.

Aposkạmi 23:22

Maraṅ subedar do uni koṛa noa menkateye bidạkadea, “Am do noa katha ińem baḍae ocoakadiń ona do okoe ṭhen hõ alom lạiya.”

Josuạ 2:13

ińren go-baba, boeha-misera ar onkoren sanam hoṛkoakʼ jiwi ben rukhiyạite jiwetʼben doholea.”

Josuạ 2:15

Ar uni maejiu oka oṛakʼreye girobasokʼ kan tahẽkan ona do nagraha beṛhaeteakʼ pạcri reakʼ mitʼṭecʼ hĩs tahẽkana; onate jalna secʼte babere ticʼketʼte unkine pheḍgotʼkatʼ kinạ.

Josuạ 6:17

Nagraha ar ona bhitri reakʼ sanamakʼge Probhu Isor ńutumte sarapakʼ ar nosṭokʼ lạgitʼ hoyokʼa. Eken Rahab kusumbi ar uni oṛakʼren okoeko menakʼko onko moto jiwetʼko tahena, ente abonren disạm cikʼyạkin hoṛe oko doholetʼkinạ.

Josuạ 6:22

Ar okoe disạm cikʼyạkin do disạm ńel ạgui lạgitʼkin hecʼlen Josuạ do unkine metatʼkinạ, “Uni kusumbi ṭhen oka ben kiriạlen ona leka uniyakʼ oṛakʼte senkate uni ar uniren sanam hoṛko oḍok ạguko ben.”

Josuạ 6:25

Ar Josuạ do okoe kin hoṛ disạm cikʼyạ lạgitʼ Jerikhoteye kolletʼkin ar Rahab kusumbi unkine oko doholetʼ kinte Josuạ do uni, ar uniren apattetʼakʼ gharońjren ar oṛakʼren eṭakʼkoe rukhiyạketʼkoa. Ar rahab do Israelko talare teheń hạbicʼe girobasokʼ kana.

1 Samuel 20:8

Onate aben do ńitokʼ ạlińre dayakʼben, ente Probhu Isor samaṅre aben do mitʼṭecʼ bondobos ben dohoakada. Ar ạliń liń dos akatʼ khan tobe do abenge gocʼliń ben, abenren babawakʼ tire jimạliń reakʼ cetʼ jãhãn jạruṛ menakʼa.?”