Josuạ 2:11 - সান্তালী বাইবেল

¹¹ Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Josuạ 2:11 Iomraidhean Croise

1 Rapajko 8:60

Nonkate dhạrtiren sanam jạtrenko baḍae daṛeakʼa, Probhugeye Isor kana mente ar uni chaḍa eṭakʼ cele Isorge bạnukʼkoa.

2 Rapajko 5:15

Unre Naman ar uni sãoten sanam hoṛ do Isorren hoṛ ṭhenko ruạṛ calaoena. Naman do uni samaṅre teṅgokateye menkeda, “Ńitokʼ doń baḍae daṛeakʼkana, Israelren Isor chaḍa dhạrtire ar cele Isorge bạnukʼkoa. Am do ńitokʼ amren guti ṭhen khon niạ sandes baṛe ataṅme.”

Nehemiạ 6:16

Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Ester 8:17

Joto tabe disạm ar nagrahakore okare rajakʼ hukum seṭeren onḍenko Jihudiko do hulạsateko porobena. Ar eṭakʼ eṭakʼ jạtren ḍher hoṛ doko Jihudiyena, ente onko do Jihudiko ạḍiko botoratʼkoa.

Sereńko 102:15

Unre Probhu Isorakʼ ńutum ańjomkate eṭakʼ jạtrenko do botor hecʼakoa; ar amakʼ ṭhonok ńelte dhạrtiren sanam rajko hõ botor caṛhaoakoa.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Sereńko 58:7

Onko do ạtukʼkan dakʼ lekako chanokʼma; ar akʼre lagao akatʼ sarko hõ rạpudokʼ takoma.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Exodus 15:14

Ona katha ańjomkate eṭakʼ jạtrenko do botorteko thar tharaokʼa, ar Philisṭiko do monreko dhak dhakaokʼa.

Exodus 15:15

Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

Jesaea 13:7

Ona iạte hoṛkoakʼ ti do lạbṛugokʼa ar sanam hoṛ do dilko adtakoa.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jeheskel 21:15

Iń do onkoakʼ sanam nagraha reakʼ phaṭok duạrkore noa gogocʼ reakʼ tarwaṛeń dohoakada jemon onkoakʼ mon do udạs cabakʼtako ar ḍher hoṛko gujukʼ. Hẽ, ona tarwaṛe do bijli leka malkaokʼa; ona do gogocʼ lạgitʼge laser ocoakana.

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Dosar Biboron 20:8

Naekeko do arhõko mena, ‘ape talare jãhãeko botorokʼkan khan se dil bako ạikạuetʼ khan, enḍekhan ona ńelte eṭakʼ Israel boehakoakʼ mon alo bhiṅgṛạukʼ onate uni do acʼakʼ oṛakʼteye ruạṛ calakʼma.’

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Josuạ 14:8

menkhan okoe boehako iń sãoteko senlen onko do hoṛkoko as chuṭạuletʼkoa. Menkhan iń do ińren Probhu Isorakʼ katha purạteń manao ạguakada.

Josuạ 2:24

Unkin do Josuạkin metadea, “Noa katha do sạri kana je, Probhu Isor do goṭa disạmge aboakʼ tireye jimạ akada. Abo botorte onḍenko hoṛ do jiwi oṭaṅ akantakoa.”

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Josuạ 7:5

Nagraha reakʼ phaṭok khon Ae nagraharen hoṛko do Israelkoko khudạu idiketʼkote Sabarim reakʼ tapol jaegare onkoren pegel turui hoṛko gocʼketʼkoa. Onate Israelkoakʼ mon reakʼ jor do rạputʼentakoa.

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Johan sodor 6:16

Onko do buruko ar dhirikoko metatʼa, “De ale cetanre bhindạṛokʼpe ar ona siṅghasonreye duṛupʼ akan, uniyakʼ mẽtʼãhã samaṅ khon ar Bheḍa Hoponakʼ edre khon oko dohokalepe,