Ona tayom Probhu Isore menkeda, “Gusṭirenko lekate disạm reakʼ jumi hạṭiń do nonka leka hoyokʼa. Disạm reakʼ utạr simạnare Dan do mitʼṭecʼ hĩse ńama; ona do maraṅ jalapuri khon Hethlon reakʼ hor samaṅ secʼte Hamat hạbicʼ; ar onḍe khon purub secʼ Damesek reakʼ utạr simạ aṛe Hasar-enan hạbicʼ, metakʼme Hamat simạna hạbicʼge.
Josuạ 19:48 - সান্তালী বাইবেল48 Niạko nagraha ar ona aḍepase reakʼ atoko do Dan gusṭiren judạ judạ bõsrenkoakʼ sompotti hoyena. Faic an caibideil |
Josuạ 19:48
3 Iomraidhean Croise
Dan gusṭirenko do akoakʼ joto bakhra bako hat daṛeatʼ tahẽkante onko lạgitʼ jaega do huḍińge tahẽkana. Onate onko do Lesem nagrahako akromonketʼte onḍenko hoṛko bhagaoketʼkoa ar sanamko gocʼketʼkote onako hatkeda. Ar onko do Lesemre girobasokʼko ehopʼena ar onkoren hapṛamkoakʼ ńutum lekate ona jaega reakʼ ńutum do “Dan” ko dohokeda.
Disạmko hạṭiń sạtketʼ khan Israelko do Probhu Isorakʼ hukum leka Nunren hopon Josuạ lạgitʼ disạmre mitʼṭecʼ sompottiko dohokeda. Onko do Ephrayim gusṭirenkoakʼ jaega talare buru ṭoṭha reakʼ timnat-Sera atoko emadea. Uni do ona atogeye khojletʼ tahẽkana. Ar nãwãte benaokate Josuạ do onḍege girobasokʼe ehopʼena.
Sanasan