Josuạ 19:28 - সান্তালী বাইবেল

²⁸ Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.

Josuạ 19:28 Iomraidhean Croise

Genesis 10:19

Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

2 Samuel 24:6

Ona tayom onko do Gilead ar Tahtim-Hadasi ṭoṭhateko calaoena. Ar ona tayom do Danre senkate Sidon secʼko ạcurena.

2 Samuel 24:7

Ona tayom onko do Tur reakʼ gaṛ nagraha ar Hiwiko ar Kananikoakʼ goṭa nagrahako calaoena. Ar sesre onko do Jihudạ reakʼ dạkhin secʼ Ber-sebateko calaoena.

Jesaea 23:12

Uni doe menkeda, “E Sidonren hoṛko, apeakʼ rạskạ do caba akantapea, ente ape dope santao ocokʼkana. Ma beretʼpe, ar Kuprus dipte parom calakʼpe; onḍehõ jirạu do bape ńama.”

Jesaea 23:2

E ḍhip aṛe aṛete tahenkan hoṛko, E Sidonren bạnij bepariko, thirokʼpe. Aperen nạbikko do jalapuriko parom akada.

Jesaea 23:4

E Sidon, lajaokʼme, ente jalapuri, ona jalapuri reakʼ gaṛ do niạ kathae meneda, “Iń do bedon baṅ rakapʼ akawạdińa, ar janam hõ bạń janam akatʼkoa. Iń do juạn koṛako bạń ạsul hara akatʼkoa ar juạn kuṛiko hõ bạń joton akatʼkoa.”

Jeheskel 28:21

“E manwa hopon, am do Sidon secʼ samaṅkate uni upạrte nạbi katha roṛme,

Johan 2:1

Niạ bar din tayom Gạlil reakʼ Kana nagrahare mitʼṭecʼ bapla hoyena. Ar Jisuren eṅgat hõ onḍeye tahẽkana.

Johan 2:11

Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

Johan 4:46

Jisu do arhõ Gạlil reakʼ ona Kana atoteye calaoena. Nonḍege uni do dakʼe darkha rasa ocoletʼ tahẽkana. Ar Gạlil reakʼ Kapharnạhum nagrahare mitʼṭen raj kạmiyạ hoṛren hopontetʼ doe ruạ kạhil akan tahẽkana.

Aposkạmi 27:3

Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Bikʼcạrko 1:31

Aser gusṭiren hoṛko hõ Akkor, Sidon, Ahiạb, Aksib, Helba, Aphik ar Rehobren hoṛko bako laga oḍokletʼkoa.

Bikʼcạrko 18:28

Unre Layisrenko rukhiyạko lạgitʼ nonkan cele hoṛge bako tahẽkana, ente onkoakʼ nagraha do Sidon khon ḍher sạṅgińre tahẽkana ar eṭakʼ jãhãe hoṛko sãote hõ onko do jãhãn helmelge baṅ tahẽkantakoa. Onkoakʼ nagraha do Beth-Rahab nagraha ṭhenakʼ mitʼṭecʼ tapol otre tahẽkana. Dan gusṭiren hoṛko do arhõ nagrahako benaoketʼte onḍe girobasokʼko ehopʼena.