Josuạ 19:12 - সান্তালী বাইবেল

¹² Ona simạna do Sarid khon purub secʼ ạcurente Kislot-tabor ato hạbicʼ calaoena ar ona tayom do Daberat secʼte Saphiate rakapʼ calaoena.

Josuạ 19:12 Iomraidhean Croise

1 Bõsbudạ 6:72

Onko do Isakar gusṭiko reakʼ ṭoṭha khon Kedes, Daborot, Ramoth ar Anem ar niạko beṛhaeteakʼ janwar ạtiń ṭạnḍi hõko ńamkeda.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Josuạ 19:11

Onḍe khon simạna do pạchim secʼte Marala hạbicʼ rakapʼ senente Debeset secʼte Jokneam ṭhenakʼ ạtukʼ dakʼ ṭhen bhiṛạuena.

Josuạ 19:13

Ona tayom ona simạna do purub secʼte Gat-Hepher ar Et-kasin hạbicʼ sen idiyena. Ona tayom ona do Neah secʼ ạcurente Remonte senena ar Remon reakʼ utạr secʼ ạcurente Hanathonte calaoena ar Eptha-El lodamre oḍokena.

Josuạ 19:22

Onkoakʼ jaega reakʼ simạna do Tabor, Sahasuma ar Bet-Semes secʼte jordan gaḍare senkate mucạtʼena. Onko do gel turui goṭecʼ nagraha ar ona aḍepase reakʼ sanam atokoko ńamkeda.

Josuạ 21:28

Ona chaḍa Isakar gusṭirenkoakʼ jaega khon ạsul janwarakʼ ạtiń ṭạnḍiko sudhạ Kision, Daberat, Jarmut ar En-Ganim ńutumanakʼ ponea ato hõ Gersonkoko ńamkeda.

Bikʼcạrko 4:12

Sisera do tinre niạ khobore ańjomkeda baṅma Abinoamren hopon Barak do Tabor buruteye rakapʼ akana unre uni do are sae mẽṛhẽtʼ reakʼ rãt gạḍiko ar uniren sanam hoṛko jarwakate Haroset-hagoyim khon Kison gaḍa aṛeteye senena.

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.