Josuạ 18:4 - সান্তালী বাইবেল

⁴ Ape do mimitʼ gusṭiko khon pepe hoṛkate bachaokope. Onko do jemon mońjte disạm ńelkateko ol ạgui ar iń do onkoń kolkoa jemon akoakʼ gusṭirenko sompottiko hạṭiń daṛeako. Ar kạmi sạt baṛakate iń ṭhenko ruạṛ hijukʼ.

Josuạ 18:4 Iomraidhean Croise

Mikạ 2:5

Onatege ape talare okoehõ Probhu Isorren hoṛko sãote jumi reakʼ hạṭiń do bako ńama.

Numeri 1:4

Onko do mimitʼ gusṭi khon mitʼ hoṛkate amko goṛowama, ar uni hoṛ do onko gusṭiren mathae hoyokʼa.

Numeri 13:2

“Israelko okaṭakʼ disạm emakoń menetʼkan ona Kanan disạm cikʼyạ ạgui lạgitʼ am do gelbar gusṭirenko khon mitʼ hoṛkate mukhiyạko kolkom.”

Josuạ 18:3

Onate Josuạ do Israelkoe metatʼkoa, “Aperen hapṛamkoren Probhu Isor okaṭakʼ disạm sompotti lekateye emakawatʼpe ona hat lạgitʼ do ar tinạkʼpe biloma?

Josuạ 18:5

Onko do goṭa disạm eae ṭhenko hạṭińa. Ar dạkhin secʼ Jihudạ gusṭirenko oka jaegako emocoakan onko do onḍegeko tahena, ar utạr secʼ do Josephren bõsrenkoge.

Josuạ 18:6

Disạm reakʼ ona eae hạṭiń reakʼ mimitʼ goṭecʼ babotre jotowakʼ olkate iń ṭhenpe ạguiya, ar iń do aboren Probhu Isor samaṅre ape lạgitʼ iń gulibãṭa.

Josuạ 18:9

Onate onko hoṛ do disạm reakʼ sanam jaegateko calaoena. Onko do disạm reakʼ sarecʼ hĩs eae ṭhenko hạṭińketʼte mimitʼ hạṭiń reakʼ nagraha ar atoko reakʼ ńutum ar onko reaṅ jotowakʼ mitʼ mitʼte olkate Silo reakʼ ḍerate Josuạ ṭhenko ruạṛ hecʼena.

Josuạ 3:12

Ar ńitokʼ ape do Israelren gelbar gusṭiko khon mimitʼ hoṛkate gelbar goṭen hoṛ bachao joṅpe.

Josuạ 4:2

“Am do mimitʼ gusṭiko khon mimitʼ hoṛkate jotote gelbar hoṛ bachao joṅme.