Josuạ 18:21 - সান্তালী বাইবেল

²¹ Benjamin gusṭiren judạ judạ bõsrenkoakʼ hạṭińre oka ato ar nagrahako paṛaolen onako do hoyokʼ kana, Bet-Hogla, Emek-Kesis,

Josuạ 18:21 Iomraidhean Croise

1 Rapajko 3:4

Mitʼdin raj do janwar samaṅko lạgitʼ Gibeonteye senlena, ente dãṛẽ samaṅko lạgitʼ onḍenakʼ than boṭkocʼge maraṅ utạrakʼ tahẽkana. Ar Solomon do onḍe mitʼ hajar janwarkote jeredokʼ samaṅokʼakʼe samaṅkeda.

Jeheskel 48:23

“Sarecʼ gusṭiko talare Benjạmin do mitʼṭecʼ hĩse ńama; ona do hoyokʼa purub khon pạchimre begar dohoakatʼ jaega reakʼ dạkhinre.

Luk 10:30

Jisui roṛ ruạṛadea, “Mitʼṭen hoṛ do Jerusalem khon Jerikho nagrahateye calakʼkan tahẽkan jokhecʼ ḍạku talareye paṛaoena. Unre onko do uni hoṛakʼ kicricʼko totʼketʼtaea ar dal admạrwạkateko bạgi oṭowadea.

Luk 19:1

Jisu do Jerikho nagraha talateye parom calakʼkan tahẽkana.

Josuạ 18:12

Utạr secʼ onkoakʼ jumi reakʼ simạna do jordan gaḍa khon ehopʼkate Jerikho reakʼ utạr senakʼ dhasna paromkate pạchim senakʼ buru ṭoṭha talate senkate Bet-Awen hahaṅkar hạbicʼ sen idiyena.

Josuạ 18:19

Ona tayom ona simạna do Bet-Hogla utạr reakʼ dhasna secʼte buluṅ doreão utạr reakʼ doreãore, metakʼme jordan gaḍare dul mitʼena. Ona do tahẽkana Benjạmin gusṭirenkoakʼ dạkhin secʼ reakʼ simạna.

Josuạ 18:20

Onkoakʼ purub secʼ reakʼ simạna do tahẽkana jordan gaḍa. Ar noage Benjamin gusṭiren judạ judạ bõsrenkoakʼ beṛhaeteakʼ simạna tahẽkana.

Josuạ 18:22

Bet-Araba, Semarayim, Bethel,

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 6:1

Ona jokhecʼ Israelko lạgitʼ Jerikho nagraha reakʼ phaṭok duạr do kajakte siń esetʼ akan tahẽkana. Onḍe khon do okoe hõ bako oḍok hecʼ daṛeakʼkan tahẽkana ar bolo hõ bako bolo daṛeakʼkan tahẽkana.

Bikʼcạrko 1:16

Mose hońhartetʼren hoponko, okoe do Kanani jạtrenko tahẽkan, onko do khijur-nagraha khon oḍok hecʼkate Arad ṭoṭha reakʼ dạkhin Jihudạ gusṭirenkoakʼ hahaṅkar ṭoṭhateko calaoena ar onḍenko hoṛ sãote girobasokʼko ehopʼena.