Josuạ 18:16 - সান্তালী বাইবেল

¹⁶ Ona tayom ona simạna do Rephayim lodam utạr reakʼ Ben-Hinom lodam samaṅ reakʼ buru latar hạbicʼ pheḍ calaoena. Ona tayom ona do Hinom lodam talate senkate Jebusikoakʼ nagraha dạkhin secʼ reakʼ dhasnakote senkate En-Rogel hạbicʼ calao idiyena.

Josuạ 18:16 Iomraidhean Croise

2 Samuel 17:17

Ona jokhecʼ Jonathan ar Ahimas do Enrogelre kin tahẽkana. Mitʼṭen kạ̃ṛmĩ do unkinakʼ khobore baḍaekan tahẽkana ar unkin do senkate Dạud raj khoborko kin emaekan tahẽkana, ente unkin lạgitʼ nagrahate oḍok bolokʼ do muhin reaṅge tahẽkana.

2 Samuel 5:18

Ar Philisṭiko do hecʼkate Rephayim reakʼ buru otetekoreko pasnao idiyena.

1 Rapajko 1:9

Adoniạ do On-regel aṛere Sohelot dhiri ṭhen ḍaṅgrako, bheḍako, lodgopʼ lodgopʼ bạchurkoe samaṅketʼkote acʼren boehako, metatʼme rajren hoponko ar Jihudạren sanam rajren kạmiyạkoe neotaketʼkoa.

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

1 Bõsbudạ 14:9

Philisṭiko do hecʼkate Rephayim ṭhen jhãpko emkeda.

2 Bõsbudạ 28:3

Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

2 Bõsbudạ 33:6

Ar Bin-Hinom buru lodamre uni do acʼren hoponko seṅgelreye samaṅketʼkoa. Okoe do bạṛicʼakʼ cinhạkote tayom daram reakʼ kathako lại daṛeakʼkan tahẽkan, onko jạdu udukʼko ar gukʼniko ar bhutko hotete ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Ar Probhu Isorakʼ mẽtʼre ḍher bạṛicʼakʼ kạmikate uniye bekusi ocoyede tahẽkana.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jirimiạ 19:2

Ona tayom kelhatʼ phaṭok reakʼ bolokʼ hor ṭhen Bin-hinom reakʼ buru nalate calakʼme. Ar okaṭakʼ kathań lạiyam onḍe senkate ona jạhirme.

Jirimiạ 19:6

Onate nonkan dinko hijukʼkana tinre hoṛko do niạ ṭhạ̃i Tophet se Bin-hinom buru nala bako metakʼa, menkhan ona do gogocʼ buru lodamgeko metakʼa.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Josuạ 15:63

Jihudạ gusṭi do menkhan Jebusiko bako laga ńir daṛeatʼkoa. Jebusiko do Jerusalemren hoṛko tahẽkana. Jihudạ gusṭiren hoṛko sãote Jibusiko do teheń hạbicʼ onḍeko girobasokʼkana.

Bikʼcạrko 1:21

Menkhan Benjạmin gusṭiren hoṛko do Jerusalemre girobasokʼ kan Jebusiko bako laga oḍok daṛeatʼko tahẽkana. Onate teheń hạbicʼ Jebusiko do Benjạmin gusṭirenko sãote onḍeko girobasokʼkana.

Bikʼcạrko 1:8

Jihudạ-gusṭiren hoṛko do Jerusalem upạrteko lạṛhạiyena ar onako hatkeda. Onko do nagraharen hoṛko gocʼketʼkote nagrahare seṅgelko jeretʼada.

Bikʼcạrko 19:10

Menkhan uni hoṛ do onḍe tahẽ aṅgakʼ bae kusilena. Onate uni do gadhae palanketʼkinte acʼren chuṭki erawante onḍe khon ruạṛokʼe ehopʼena. Onko do tinre Jebusi, metakʼme Jerusalem sorko seṭerena unre bela doe hạsurokʼkan tahẽkana. Unre guti do acʼren kisạ̃ṛe metadea, “Dela bon, Jebusikoakʼ nagrahare senkate bon tahẽ aṅgakʼa.”