Josuạ 18:14 - সান্তালী বাইবেল

¹⁴ Ona tayom ona simạna do Bet-Horon dạkhin buru reakʼ pạchim secʼte senkate dạkhin secʼ ạcur calaoena ar Kiriot-Bakʼal, metakʼme Kiriot-Jearim hạbicʼ calao idiyena. Kiriot-Jearim do tahẽkana Jihudạ gusṭikoakʼ mitʼṭecʼ nagraha. Noa do hoyokʼ kana Benjamin gusṭirenkoakʼ pạchim senakʼ simạna.

Josuạ 18:14 Iomraidhean Croise

2 Samuel 6:2

Dạud ar uniren sanam hoṛko Isorakʼ Sinduk do Bakʼale Jihudạ khon Jerusalemte idi lạgitʼ Bakʼal Jihudạ khonko mohnḍayena. Niạ sinduk do sanam daṛeanicʼ Probhu Isor ńutumte oprom tahẽkana, ente Probhu Isor do sindukren Kerub kin talareye tahẽnkana.

Josuạ 15:60

Kiriat-Bakʼal, metakʼme Kiriat-Jearim ar Raba. Niạ barea nagraha ar ona aḍepase reakʼ atokoko ńamleda.

Josuạ 15:9

Ona tayom simạna do buru cetan khon Nephto reakʼ dakʼ jharna secʼ calao idiyena. Onḍe khon Ephron buru reakʼ atoko sorte oḍok senkate Bala secʼ, metakʼme Kiriat-Jearim secʼ pheḍ hecʼena.

Josuạ 18:13

Onḍe khon simạna do Lus, metakʼme Bethel dạkhin reakʼ dhasna secʼte senkate latar Bet-Horon reakʼ dạkhinre okaṭakʼ buru menakʼ ona buru cetan reakʼ Atarot-Adarte pheḍ calaoena.

Josuạ 18:15

Onkoakʼ dạkhin reakʼ simạna do pạchim Kiriot-Jearim reakʼ simạna khon ehopʼkate Nepthoah reakʼ dakʼ jharna hạbicʼ calaoena.

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

1 Samuel 13:18

Ar mitʼ dol do Bet-horon secʼ ar eṭakʼ dol do ona buru ṭoṭha secʼ one onḍe khon hahaṅkar ṭoṭha reakʼ Seboyim buru lodam ńelńamokʼ.