Josuạ 17:16 - সান্তালী বাইবেল

¹⁶ Joseph gusṭiren hoṛko roṛ ruạṛkeda, “Buru reakʼ onako jaegare ale do bale sahobokʼa ar okoe Kananiko bilạn ṭạnḍi reakʼ Bet-Sean ar ona aḍepase atokore ar Jisreyel lodamreko girobasokʼ kan onko sanamko do mẽṛhẽtʼ reakʼ rãt gạḍiko menakʼtakoa.”

Josuạ 17:16 Iomraidhean Croise

1 Rapajko 18:45

Inạkʼtege rimil do dhundena, hoe hõ rakapʼ hecʼena ar ạḍi ãṭe dakʼkeda. Ahab do rãt gạḍite Jisreyelteye mohnḍayena.

1 Rapajko 18:46

Unre Probhu Isorakʼ daṛe do Eliạ cetanre hecʼena. Uni do acʼakʼ kicricʼko ḍanḍareye rebetʼketʼte Ahab lahate Jesreyelteye ńir calaoena.

1 Rapajko 21:1

Inạ tayom Jisriyelren Nabatakʼ darkha bagwan khạtirte mitʼṭecʼ ghoṭna hoyena. Niạ darkha bagwan do Jisriyelren Samariạ rajakʼ Ahabakʼ raj doṅgol aṛerege tahẽkana.

1 Rapajko 21:23

Ona chaḍa Isebel reaṅ hõń meneda, Jisriyel reakʼ bhit ṭhen uni do setako jomea.

1 Rapajko 4:12

Tanakre, Megidore ar Sorethan ṭhen ar Jesreyel dạkhin reakʼ Bet-San nagraha khon Abel Mehola ar Jokmea hạbicʼ Bet-San reakʼ sanam ṭoṭhare do Ahiludren hopon Bana cetanre tahẽkana.

2 Rapajko 9:10

Isebel do Jisriyelre setako jomea, uni do okoege bako topakaea.’ ” Niạ menkate uni nạbi do duạr jhicʼketʼteye ńir oḍokena.

2 Rapajko 9:37

Ona jumi reakʼ otre Isebelakʼ hoṛmo do guricʼ leka giḍi akan tahena ar okoege bako orom daṛeakʼa ona do Isebelakʼ hoṛmo kana mente.’ ”

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Josuạ 17:11

Isakar ar Asren gusṭikoakʼ simạna tala reakʼ Betʼ-Sean, Iblean ar onako aḍepase reakʼ sanam atoko do Manase gusṭirenkoko emoco akan tahẽkana. Ona chaḍa Dorren, En-Dorren, Tanak ar Magidoren hoṛko sudhạ niạko nagraha ar onako aḍeparen sanam atoko Manase gusṭirenko emocoakan tahẽkana. Ar mucạtʼ secʼ reakʼ pea nagraha ar onako sãoteakʼ atoko do buru ṭoṭhare tahẽkana.

Josuạ 17:15

Josuạ do roṛ ruạṛatʼkoteye metatʼkoa, “Aperen hoṛko lekhare nunạkʼko ḍherge khan ar Ephrayim buru ṭoṭhare bape sahobokʼkan khan tobe do Pherisiko ar Rephiyikoakʼ disạm reakʼ bir gajaṛko makʼ saphakate jumiko benao joṅpe.”

Josuạ 17:17

Josuạ do Josephren bõsko, metakʼme Ephrayim ar Manase gusṭiren hoṛkoe metatʼkoa, “Aperen hoṛ hõko saṅgegea, ar daṛe hõ ḍhergetapea. Ape do eken mitʼṭecʼ hạṭiń do bape ńama.

Josuạ 17:18

Bir-gajaṛte perecʼ buru ṭoṭhako hõpe ńama. Ona makʼ saphae hoyokʼtapea. Gajaṛ ar ona sãoteakʼ sanam jumiko do apeakʼ ạidạrire tahena. Kananikoakʼ mẽṛhẽtʼ reakʼ rãt gạḍi tahẽlenre hõ arko daṛegere hõ ape do onkope laga ńir daṛeakoa.

Josuạ 19:18

Onkoakʼ jaegare do paṛaoena, Jisreyel, Kesulot, Sunem,

Bikʼcạrko 1:19

Probhu Isor do Jihudạ gusṭiren hoṛko sãoteye tahẽkana. Onko do buru ṭoṭhakoko hatletʼgea, menkhan bilạn ṭạnḍiren hoṛko do bako laga ńir daṛeatʼkoa, ente onkoakʼ do mẽṛhẽtʼ reakʼ rãt gạḍiko tahẽkantakoa.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Bikʼcạrko 6:33

Ar Midiạnrenko, Amalekiko ar purub disạmren lạṛhại phạdko jotoko mitʼente jordan gaḍako paromkeda ar Jisreyel buru nalare senkateko ḍerayena.

1 Samuel 29:1

Unre Philisṭiko do Ophekre akoren sanam lạṛhại phạdko jarwaketʼkoa. Ar Israelko do Jisrayelakʼ dakʼ jharna ṭhenko ḍerayena.