Josuạ 17:1 - সান্তালী বাইবেল

¹ Manase do Josephren maraṅicʼ hopone tahẽkante gulibãṭ hotete uniren gusṭiko hõ mitʼṭecʼ jaegako emocolena. Manaseren maraṅicʼ hoponakʼ ńutum do tahẽkana Makir. Makir do Gileadren apate tahẽkana. Makir do mitʼṭen maraṅ birbanṭa hoṛe tahẽkante Gilead ar Bason reakʼ ạidạri do laharegeye ńamakatʼ tahẽkana.

Josuạ 17:1 Iomraidhean Croise

Genesis 41:51

Joseph do maraṅicʼ hoponakʼ ńutum Manaseye dohoketʼtaea (metakʼme “Hiṛińkakʼ”). Uniye menkeda, “Isor do ińakʼ sanam duk ar iń babawakʼ oṛakʼ reakʼ katha ińakʼ mon khone ocokʼakada.”

Genesis 41:52

Ona tayom dosaricʼ hoponakʼ ńutum do Ephrayeme dohokeda (metakʼme “Joanakʼ ”) Uniye menkeda, “Oka disạmre iń do dukiń ńamketʼ ona disạmrege Isor doe jo baha ocoakadińạ.”

Genesis 46:20

Josephren hopon Manase ar Ephrayim do Misor disạmrekin janamlena. Nukinre eṅgat do On nagraharen naeke Poṭipheraren hoponera Asnate tahẽkana.

Genesis 48:17

Apattetʼ do acʼakʼ jojom ti Ephrayemakʼ bohokʼreye dohoketʼte Joseph do bae kusilena. Uni do Ephrayemakʼ bohokʼ khon ocokʼkate Manaseakʼ bohokʼre dohoy lạgitʼ apatakʼ ti sapʼkateye menkeda, “E baba, nonka do baṅ. Nui do ińren maraṅicʼ koṛa kanae. Amakʼ jojom ti nui cetanre dohoyme.”

Genesis 50:23

Uni do Ephrayemren hoponko pe piṛhi hạbicʼe ńel oṭokatʼkoa. Ona chaḍa Makirren hoponko hõ janam tayom Josephakʼ hoborreko doho ocolena. Makir do Manaseren hopone tahẽkana.

2 Samuel 2:9

Ar Isbot do Gilead, Asuri, Jisreyel, Ephrayim, Benjamin, metakʼme sanam Israel disạm cetanreye raj akade tahẽkana.

Jeheskel 47:13

Ona tayom Probhu Isore menkeda, “Ape do sompotti lekate Israelren gelbar gusṭiko talare disạm do nonkage hạṭińakope. Ape sanamkoge somantepe hạṭińa menkhan Joseph do bar hạṭińe ńam daṛeakʼ. Noa disạm do aperen hapṛamko emako lạgitʼgeń kiriạlena ar noa disạm do apeakʼ sompottige hoyokʼa.

Jeheskel 48:4

Manase hõ mitʼṭecʼ hĩse ńama; ona do hoyokʼa purub khon pạchim Napthali simạ reakʼ dạkhin hạbicʼ.

Numeri 26:29

Manase bõsren bõs doko hoyokʼ kana Makir khon Makiri bõsko ar Gilead khon Gilead bõsko. Gilead do Makirren hopone tahẽkana.

Numeri 27:1

Selophadren hoponerako do Josephren hopon Manase bõsrenko tahẽkana. Manaseren hopon Makir, Makirren hopon Gilead, Gileadren hopon Hephor ar Hephorren hopon Selophad. Selophadren hoponerakoakʼ ńutum do hoyokʼ kana, Mahla, Noa, Hogla, Milkạ ar Thirsa.

Numeri 32:33

Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Dosar Biboron 21:17

Ar bạhu bae dulạṛedekanren hoponge acʼakʼ sompotti reakʼ eṭakʼ hopon khon bar doboṛ emkate unige pạhilicʼ hopon mente aṅgoce hoyokʼtaea. Ente uni hoponkangeae apattetʼakʼ daṛe reakʼ pạhilicʼ jo do. Ar pạhil hopon reakʼ ạidạri do unigeye ńama.

Josuạ 17:2

Menkhan Manase gusṭiren sarecʼ bõsren hoṛko, metakʼme Abieser, Helek, Asriyel, Sikem, Hepher ar Semida bõsren hoṛko do Kanan disạm reakʼ jaega jumiko emoco akan tahẽkana. Bõsko secʼ khon nokoge Josephren hopon Manaseren sarecʼ hoponko tahẽkana.

Josuạ 22:7

Manase gusṭiren adha hoṛko do Mose Bason disạme ematʼko tahẽkana, ar onkoren sarecʼ hoṛko Josuạ do Israel boehako sãote jordan gaḍa pạchim secʼre jaegae ematʼkoa. Josuạ do onko bidạko jokhecʼ bhoratʼkoteye metatʼkoa,

Bikʼcạrko 5:14

Adomko hoṛ do Ephrayim khonko hecʼena Amalekiko girobasokʼkan tahẽkan ṭhen; onko doko hecʼena Benjamin gusṭiren hoṛko tayomte. Makir khon do mukhiyạko hecʼena, ar Sebulon khon do cakʼlao ṭheṅga sasapʼkoge.