Josuạ 14:1 - সান্তালী বাইবেল

¹ Eṭakʼ Israelko do Kanan disạmre sompotti lekate jaega jumiko ńamkeda. Naeke Eliaser, Nunren hopon Josuạ ar Israelren judạ judạ gusṭi ar gharońjren mukhiyạko do onako hạṭińatʼkoa.

Josuạ 14:1 Iomraidhean Croise

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.

Jeheskel 45:1

“ ‘Ape do sompotti lekate disạm reakʼ jumi tinrepe hạṭińa unre bargel mõṛẽ hajar ḍaṅ jeleń ar bargel hajar ḍaṅ osar disạm reakʼ mitʼ hĩs jumi do Probhu Isorpe emaea; ona purạ elakage sonotakʼ ṭhạ̃i hoyokʼa.

Numeri 34:13

Inạ tayom Mose do Israelko hukumatʼkoteye metatʼkoa, “Ape do gulibãṭ hotete Probhu Isorakʼ hukum leka disạm do aperen are gusṭi ar Manasekoren adha gusṭi talarepe hạṭińakoa ar apeakʼ sompottipe hoeocoya.

Numeri 34:16

Probhu Isor do Moseye metadea,

Aposkạmi 13:19

Ona tayom Kanan disạmren eae jạtrenkoe maraoketʼkote acʼren hoṛko ona disạm cetanre ạidạriye ematʼko tahẽkana.

Dosar Biboron 12:10

Aperen Probhu Isor do sompotti lekate okaṭakʼ disạme emape lạgidokʼkan ar jordan gaḍa paromkate tinre onḍepe girobasokʼa unre uni do beṛhaeten bạiriko sãote lạṛhại khone jirạu ocopea, ar nirạite onḍepe girobasokʼa.

Josuạ 19:51

Naeke Eleasar, Nunren hopon Josuạ ar Israelkoren judạ judạ gusṭiren mathako do Silore ńapamokʼ tạmbu reakʼ duạr ṭhen Probhu Isor samaṅre gulibãṭkate niạko jaega Israelkoko ṭhik dohowatʼkoa. Ar nonkate onko do disạm hạṭiń reakʼ kạmiko sạtkeda.

Josuạ 21:1

Liwi gusṭiren mathako do naeke Eleasar, Nunren hopon Josuạ ar Israelkoren judạ judạ bõsren mathako ṭhenko senena.