Josuạ 13:31 - সান্তালী বাইবেল

³¹ Gilead reakʼ adha jaega ar Astarot ar Edreyi nagraha. Niạ banar nagraha khon Basoren raj Og doe rajokʼkan tahẽkana. Niạ jaegakin do Manaseren hopon Makirren adha hoṛkoren judạ judạ bõskoko emocolena.

Josuạ 13:31 Iomraidhean Croise

1 Bõsbudạ 6:71

Gersonrenko do Manase gusṭiren adha gusṭiren hoṛkoakʼ ṭoṭha khon janwar ạtiń ṭạnḍi sudhạ Bason reakʼ Golan ar Astorothko ńamkeda.

Sereńko 60:7

Gilead do ińakʼ kana, ar Manase hõ ińakʼge; Ar Ephrayim do ińakʼ bohokʼ aḍokʼakʼ kana, Jihudạ do ińakʼ rajosṭi reakʼ ṭheṅga kana.

Jeheskel 48:4

Manase hõ mitʼṭecʼ hĩse ńama; ona do hoyokʼa purub khon pạchim Napthali simạ reakʼ dạkhin hạbicʼ.

Josuạ 12:4

Rephayiko modre okoe sarecʼko tahẽkan onko modre Basonren raj Og hõe tahẽkana. Uni do Astarot ar Edreyi khone rajokʼkan tahẽkana.

Josuạ 13:12

Niạ do tahẽkana Basonren raj Ogakʼ rajosṭi. Uni do Astaroth ar Edreyi khone rajokʼkan tahẽkana. Rephiyiko talare un anecʼ hõ okoe do jiwetʼko tahẽkan onko modre uni hõe tahẽkana. Mose do onkoe bhagaoketʼkote onkoakʼ disạme hatleda.

Josuạ 13:32

Mose do Jordan hanasare Jerikho reakʼ purub secʼ Moab reakʼ bilạn ṭạnḍire ona jaega do sompotti lekateye hạṭińatʼko tahẽkana.

Josuạ 17:5

Jordan reakʼ purub secʼ Gilead ar Bason chaḍa hõ Manase gusṭirenko do hạṭińre arhõ gel goṭecʼ jumiko ńamkeda,

Josuạ 17:6

Ente Manase gusṭiren noko kuṛiko do ako gusṭiren koṛa hoponko sãote sompotti reakʼ ạidạriko ńamkeda; ar Manase gusṭiren sarecʼ bõsko do Gilead ṭoṭhako ńamkeda.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Bikʼcạrko 5:17

Gileadren hoṛko do jordan hanasareko tahẽyena. Ar Dan gusṭirenko do cedakʼ jahaj ṭhenko tahẽyena? Ar Aser gusṭirenko do jalapuri aṛereko tahẽyena; tahẽyenako bondor ṭhenge.

1 Samuel 12:10

Unre aperen hapṛam do Probhu Isor ṭhen rakʼketʼteko menkeda, ‘ale dole kại akada; ale do Probhu Isor bạgikate Bakʼal ar Astoretle pujạ akawatʼkinạ; ńitokʼ bạirikoakʼ ti khon baṛe rukhiyạleme, ar ale do amgele sewawama.’

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”