Josuạ 13:27 - সান্তালী বাইবেল

²⁷ ar lodam tala reakʼ Bet-Haram, Bet-Mimra, Sukot, Saphon ar Hesbonren raj Sihonakʼ rajosṭi reakʼ sarecʼ hĩsko ar Kineret doreão reakʼ dạkhin hạbicʼ jordan gaḍa purub aṛe secʼte goṭa elaka tahẽkana.

Josuạ 13:27 Iomraidhean Croise

Genesis 33:17

ar Jakob doe uṭhạuente Sukotteye calaoena. Ar onḍe do acʼ lạgitʼ mitʼṭecʼ oṛakʼe benaokeda ar acʼren mĩhũ-merom palko lạgitʼ hõ oṛakʼkoe benaokeda. Ona iạtege ona jaega reakʼ ńutum do Sukot dohoyena (metakʼme “Chạuni oṛakʼ ”).

1 Rapajko 7:46

Jordan reakʼ bilạn ṭạnḍire Sukot ar Sorethan tala reakʼ mitʼ jaegare raj do noako jinis ot reakʼ chãcreye dul benao ocoleda.

Sereńko 60:6

Isor do acʼakʼ sonot ńutumteye meneda, “Iń do rạskạ salakʼ Sikemiń hạṭińa, ar Sukot reakʼ tapol jaegań soṅa.

Numeri 32:3

“Probhu Isor do Ararot, Dibon, Jaser, Hesbon, Elale, Sebam, Nebo ar Beon ńutumanakʼ okako jaega Israelkoakʼ tabereye ạguakatʼ onako do ạsul janwarko lạgitʼ ạḍi mońj ạtiń ṭạnḍiko kana, ar aperen noko gutikoren hõ ạsul janwarko menakʼkotalea.

Numeri 32:36

Bet-Nimra ar Bet-Haran ńutumanakʼ atoko ar nagrahako do pạcriteko esetʼ ạcurkeda ar akoren ḍaṅgrako ar bhiḍiko lạgitʼ hõ oṛakʼko benaokeda.

Numeri 34:11

Noa simạna dag do Sepham khon Enan secʼte Ribla hạbicʼ pheḍ hijukʼa ar Kenerot doreão reakʼ jaegako secʼte calao idikʼa.

Luk 5:1

Mitʼ din Jisu do Genesaret doreão aṛereye teṅgo akan tahẽkana. Unre gadel hoṛ do Isorakʼ katha ańjom lạgitʼ beṛhaete hecʼkateko riḍạtʼ ciritʼedekan tahẽkana.

Dosar Biboron 3:17

Pạchim secʼ onkoakʼ ses simạna do Araba jordan gaḍa reakʼ okaṭakʼ hĩs do Kineret khon Pisga buruko reakʼ dhasna reakʼ Araba doreão, metakʼme buluṅ doreão hạbicʼ sen akana.

Josuạ 11:2

Ona chaḍa uni do utạr secʼren okoe rajko tahẽkana onko sanamko ṭhen hõ sombate kolkeda. Onako rajosṭi do buru disạmre, Kinerot dạkhin Araba reakʼ bilạn ṭạnḍire, latar buru ṭoṭhare ar pạchim reakʼ Dorer buru ṭoṭhare tahẽkana.

Josuạ 12:3

Ona chaḍa Kinerot doreão khon Araba doreão, metakʼme buluṅ doreão ar Bet-jesimot reakʼ hor hạbicʼ ar dạkhin secʼ Pisga buru latar hạbicʼ ar Araba bilạn ṭạnḍi purub reakʼ hĩs hõ raje calaoetʼ tahẽkana.

Josuạ 13:26

Ona chaḍa onako modre Hesbon khon Ramot-Mispa ar Betonim hạbicʼ ar Mahanayim khon Debir hạbicʼ sanam jaega,

Josuạ 13:28

Niạko nagraha ar ona aḍepase reakʼ atoko do Gad gusṭiren judạ judạ hoṛko sompotti lekateko ńamleda.