Josuạ 13:2 - সান্তালী বাইবেল

^2-4 Okako jaega ńithõ ạuri dokholokʼ onako modre Misor reakʼ purub secʼ Sihor gaḍa khon ehopʼkate utạr secʼ Ekron reakʼ simạ hạbicʼ Palesṭirenko ar Gesurrenkoakʼ goṭa elaka menakʼa. Niạko elaka do Kananikoakʼ elaka kana. Onḍe do Gasa, Asdod, Askelon, Gat ar Ekron ńutuman mõṛẽ rapajkoakʼ mõṛẽ goṭecʼ nagraha menakʼa, ar dạkhinre do Awikoakʼ elaka kana. Ona chaḍa arhõ aema jaega do dokhol bạki menakʼa, ona do hoyokʼ kana Sidonrenkoakʼ Meara khon Amorikoakʼ sima reakʼ Apheka hạbicʼ Kananiko reakʼ sanam elaka,

Josuạ 13:2 Iomraidhean Croise

Genesis 26:1

Abrahamakʼ oktere leka niạ dhao hõ disạmre mitʼṭecʼ akal hoyena. Ona iạte Isahak do Gora nagrahate Philisṭikoren raj Abemelek ṭhene calaoena.

2 Samuel 15:8

Iń amren guti do Aram reakʼ Gesurreń tahẽkan jokhecʼ manot kateń menleda, ‘Probhu Isor do Jerusalemteye ruạṛ idiyiń enḍekhan Hebronte senkate Probhu Isor ńutumte samaṅokʼakʼ iń samaṅa.’ ”

2 Samuel 3:3

Uniren dosaricʼ hoponakʼ ńutum do Kileab; uni doe tahẽkana Karmel Nabalren rạnḍi maejiu Abigaelren hopon. Tesaricʼ hoponakʼ ńutum do Absalom; uni do Gesur raj Talmaeren hoponera Makherren hopone tahẽkana.

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Sephaniạ 2:5

E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”

Dosar Biboron 3:14

Manase hopon Jayir do Gesuri ar Makathikoakʼ simạna hạbicʼ goṭa Argob ṭoṭha dokholkate apnarakʼ ńutum lekaye dohokeda. Onate ńitokʼ Bason do Habot-Jayirko metakʼkana.

Josuạ 12:5

Hermon buru, Saleka, Gesuriko ar Makatiko reakʼ simạ hạbicʼ goṭa Bason disạm ar Hisbonren raj Sihon rajosṭi reakʼ simạ hạbicʼ Gilead reakʼ sarecʼ hĩs hõ uniyakʼ tabere tahẽkana.

Josuạ 13:11

Gilead elaka, Gesuriko ar Makathikoakʼ elaka, goṭa Hermon buru ar Salka hạbicʼ goṭa Bason disạm hõ onare menakʼa.

Josuạ 13:13

Menkhan Israelko do Gesuriko ar Makathirenko bako laga ńirletʼkoa; ona iạte teheń hạbicʼ onko do Israelko talare menakʼkoa.

Bikʼcạrko 3:1

Okoe Israelko Kanan disạmre lạṛhại reakʼ cetʼge bako baḍaekan tahẽkan onko biḍạu aṭkarko lạgitʼ Probhu Isor do adom adom jạtrenko disạm talaregeye dohokatʼkoa.

1 Samuel 27:8

Ar inạko dinre uni do acʼren hoṛkoante Gesuriko, Girsiko ar Amalekiko cetanre jhãpe emetʼ tahẽkana. Noko jạtren hoṛ do ḍher laha khonge Tur khon Misor hạbicʼ goṭa ṭoṭhare berel akanko tahẽkana.