Josuạ 13:14 - সান্তালী বাইবেল

¹⁴ Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.

Josuạ 13:14 Iomraidhean Croise

Jeheskel 44:28

“ ‘Naekekoakʼ sompotti do eken ińgeń tahena. Ape Israelko do apeakʼ disạmre jãhãn sompottige alope emakoa; onkoren sompotti do ińgeń hoyokʼa.

Jeheskel 44:29

Onko do anaj samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ jinisko joma; Israel disạmre Probhu Isor ńutumte emakʼ mitʼke mitʼ jiniskoge onkoakʼ hoyokʼa; onako do baṅ chaḍao ạgukʼa.

Dosar Biboron 10:9

Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 12:19

Apeakʼ disạmre tinạkʼ dinpe girobasokʼ unạkʼ din ape do Liwikope ńel todarotkoa.

Josuạ 13:13

Menkhan Israelko do Gesuriko ar Makathirenko bako laga ńirletʼkoa; ona iạte teheń hạbicʼ onko do Israelko talare menakʼkoa.

Josuạ 13:15

Mose do Ruben gusṭiren judạ judạ bõsko okako jaegae ematʼko tahẽkan ona do Arnon lodam aṛe reakʼ Aroer nagraha khon ar lodam reakʼ adha ato khon ehopʼakan tahẽkana. Onako modre Medeba beṛhaeteakʼ goṭa bilạn ṭạnḍi,

Josuạ 13:33

Menkhan uni do Liwi gusṭirenko oka sompotti hõ bae ematʼkoa; onko ṭhen Probhu Isor okae gokʼletʼ ona lekage Israelren Probhu Isorge onkoren sompottiye tahẽkana.

Josuạ 18:7

Tobe Liwiko do ape sãote jãhãn hạṭiń bako ńama, ente Probhu Isorren naeke lekate sekʼwa kạmi kangea onkoakʼ sompotti do. Gad ar Ruben gusṭiren hoṛko ar Manase gusṭiren adha hoṛko do laharege jordan gaḍa purub secʼre akoakʼ sompottiko ńamakada. Probhu Isorren guti Mosege ona do onkoe emakawatʼkoa.”