Josuạ 13:13 - সান্তালী বাইবেল

¹³ Menkhan Israelko do Gesuriko ar Makathirenko bako laga ńirletʼkoa; ona iạte teheń hạbicʼ onko do Israelko talare menakʼkoa.

Josuạ 13:13 Iomraidhean Croise

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

2 Samuel 10:6

Amonrenko tinreko bujhạu daṛeada, onko do Dạud ṭhenko kurud ocoakana mente. Unre onko do Bethrehobren ar Sobaren bargel hajar otten lạṛhại phạdko, ar Makaren mitʼ hajar hoṛko ar Toabren gelbar hajar hoṛkoe bhaṛaketʼkoa.

2 Samuel 3:3

Uniren dosaricʼ hoponakʼ ńutum do Kileab; uni doe tahẽkana Karmel Nabalren rạnḍi maejiu Abigaelren hopon. Tesaricʼ hoponakʼ ńutum do Absalom; uni do Gesur raj Talmaeren hoponera Makherren hopone tahẽkana.

Numeri 33:55

“Menkhan ona disạmren hoṛko bape laga ńirko enḍekhan okoepe tahẽocoako onko do apeakʼ mẽtʼre bạ̃ṛsi leka ar pańjra reakʼ jạnum lekako hoyokʼa. Ar ona disạmrepe girobasokʼre onko do apeko cipạpea.

Dosar Biboron 3:14

Manase hopon Jayir do Gesuri ar Makathikoakʼ simạna hạbicʼ goṭa Argob ṭoṭha dokholkate apnarakʼ ńutum lekaye dohokeda. Onate ńitokʼ Bason do Habot-Jayirko metakʼkana.

Josuạ 12:5

Hermon buru, Saleka, Gesuriko ar Makatiko reakʼ simạ hạbicʼ goṭa Bason disạm ar Hisbonren raj Sihon rajosṭi reakʼ simạ hạbicʼ Gilead reakʼ sarecʼ hĩs hõ uniyakʼ tabere tahẽkana.

Josuạ 13:11

Gilead elaka, Gesuriko ar Makathikoakʼ elaka, goṭa Hermon buru ar Salka hạbicʼ goṭa Bason disạm hõ onare menakʼa.

Josuạ 13:12

Niạ do tahẽkana Basonren raj Ogakʼ rajosṭi. Uni do Astaroth ar Edreyi khone rajokʼkan tahẽkana. Rephiyiko talare un anecʼ hõ okoe do jiwetʼko tahẽkan onko modre uni hõe tahẽkana. Mose do onkoe bhagaoketʼkote onkoakʼ disạme hatleda.

Josuạ 13:14

Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.

1 Samuel 27:8

Ar inạko dinre uni do acʼren hoṛkoante Gesuriko, Girsiko ar Amalekiko cetanre jhãpe emetʼ tahẽkana. Noko jạtren hoṛ do ḍher laha khonge Tur khon Misor hạbicʼ goṭa ṭoṭhare berel akanko tahẽkana.