Josuạ 13:12 - সান্তালী বাইবেল

¹² Niạ do tahẽkana Basonren raj Ogakʼ rajosṭi. Uni do Astaroth ar Edreyi khone rajokʼkan tahẽkana. Rephiyiko talare un anecʼ hõ okoe do jiwetʼko tahẽkan onko modre uni hõe tahẽkana. Mose do onkoe bhagaoketʼkote onkoakʼ disạme hatleda.

Josuạ 13:12 Iomraidhean Croise

Dosar Biboron 1:4

Amorikoren raj Sihon ar Edreyi nagraha reakʼ Bason disạmren raj Og bhagaokin tayom uni do onae sodorleda. Sihon do Hesbonre ar Og do Astarotreye rajokʼkan tahẽkana.

Josuạ 12:4

Rephayiko modre okoe sarecʼko tahẽkan onko modre Basonren raj Og hõe tahẽkana. Uni do Astarot ar Edreyi khone rajokʼkan tahẽkana.

Josuạ 13:13

Menkhan Israelko do Gesuriko ar Makathirenko bako laga ńirletʼkoa; ona iạte teheń hạbicʼ onko do Israelko talare menakʼkoa.

Josuạ 13:31

Gilead reakʼ adha jaega ar Astarot ar Edreyi nagraha. Niạ banar nagraha khon Basoren raj Og doe rajokʼkan tahẽkana. Niạ jaegakin do Manaseren hopon Makirren adha hoṛkoren judạ judạ bõskoko emocolena.