Josuạ 13:11 - সান্তালী বাইবেল

¹¹ Gilead elaka, Gesuriko ar Makathikoakʼ elaka, goṭa Hermon buru ar Salka hạbicʼ goṭa Bason disạm hõ onare menakʼa.

Josuạ 13:11 Iomraidhean Croise

Genesis 37:25

Ona tayom Josephren dadattetʼtako do jom-ńũiy lạgitʼko duṛupʼen khan Ismaelren bạnij-beparko Gilead khon hijukʼko ńelketʼkoa. Onko do ũṭre decʼkate jut so mosola, ran sunum ar gondhorosante Misor disạmteko calakʼkan tahẽkana.

1 Bõsbudạ 5:11

Gad gusṭiren hoṛko do Rubenrenko aṛe Bason disạm reakʼ Solkha hạbicʼ reakʼ jaegakoreko girobasokʼkan tahẽkana.

Numeri 32:29

Uni doe metatʼkoa, “Gad ar Ruben gusṭiren herel hoponko lạṛhại reakʼ khanḍa bhanḍawante Probhu Isor samaṅte lạṛhại lạgitʼ ape sãote jordan gaḍako parom calakʼa, ar disạm do ape gobolre hecʼlenre Gilead do sompotti lekate onkope emakoa.

Dosar Biboron 3:10

Ar onako bilạn ṭạnḍi reakʼ sanam atoko ar nagrahako, goṭa Gilead ṭoṭha ar Basonren raj Ogakʼ rajosṭi Salka ar Edre hạbicʼ goṭa Bason disạmge abo dobon dokholkeda.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 13:2

Okako jaega ńithõ ạuri dokholokʼ onako modre Misor reakʼ purub secʼ Sihor gaḍa khon ehopʼkate utạr secʼ Ekron reakʼ simạ hạbicʼ Palesṭirenko ar Gesurrenkoakʼ goṭa elaka menakʼa. Niạko elaka do Kananikoakʼ elaka kana. Onḍe do Gasa, Asdod, Askelon, Gat ar Ekron ńutuman mõṛẽ rapajkoakʼ mõṛẽ goṭecʼ nagraha menakʼa, ar dạkhinre do Awikoakʼ elaka kana. Ona chaḍa arhõ aema jaega do dokhol bạki menakʼa, ona do hoyokʼ kana Sidonrenkoakʼ Meara khon Amorikoakʼ sima reakʼ Apheka hạbicʼ Kananiko reakʼ sanam elaka,

Josuạ 17:5

Jordan reakʼ purub secʼ Gilead ar Bason chaḍa hõ Manase gusṭirenko do hạṭińre arhõ gel goṭecʼ jumiko ńamkeda,

1 Samuel 13:7

Ar ḍher Ibriko do jordan gaḍa paromkate Gad ar Gilead ṭoṭhateko calaoena. Menkhan Sạul do Gilgolreye tahẽyena, ar uni sãoten lạṛhại phạdko do botorte thartharaokʼko ehopʼena.