Josuạ 12:6 - সান্তালী বাইবেল

⁶ Israelko ar Probhu Isorren guti Mose do nukin raje bhagaoletʼkina. Uni do unkinakʼ jaegako sompotti lekate Ruben ar Gad gusṭiren sanamko ar Manase gusṭiren adha hoṛkoe ematʼko tahẽkana.

Josuạ 12:6 Iomraidhean Croise

1 Rapajko 4:19

Geliadre, metakʼme Emorikoren Sihon raj ar Basonren raj Ogakʼ disạmre do Uri hopon Geber. Niạ ṭoṭhare do unige acʼ eskar cakʼlaoyicʼe tahẽkana.

Numeri 32:29

Uni doe metatʼkoa, “Gad ar Ruben gusṭiren herel hoponko lạṛhại reakʼ khanḍa bhanḍawante Probhu Isor samaṅte lạṛhại lạgitʼ ape sãote jordan gaḍako parom calakʼa, ar disạm do ape gobolre hecʼlenre Gilead do sompotti lekate onkope emakoa.

Numeri 32:32

Ale do Probhu Isor samaṅre lạṛhại reakʼ khanḍa bhanḍawante gaḍa paromkate Kanan disạmtele calakʼa, menkhan aleakʼ sompotti do gaḍa niạ sa aṛerege tahentalea.”

Numeri 32:33

Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Josuạ 14:3

Ar barea tala gusṭirenko Mose do laharege jordan purub secʼre sompottiye ematʼko tahẽkana, menkhan Israelko talare Liwi gusṭiko do jãhãn sompotti bae ematʼkoa.

Josuạ 18:7

Tobe Liwiko do ape sãote jãhãn hạṭiń bako ńama, ente Probhu Isorren naeke lekate sekʼwa kạmi kangea onkoakʼ sompotti do. Gad ar Ruben gusṭiren hoṛko ar Manase gusṭiren adha hoṛko do laharege jordan gaḍa purub secʼre akoakʼ sompottiko ńamakada. Probhu Isorren guti Mosege ona do onkoe emakawatʼkoa.”

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.