Josuạ 12:2 - সান্তালী বাইবেল

² Amorikoren raj Sihon do Hesbon khon raje calaoetʼ tahẽkana. Uni do Arnon lodam aṛe reakʼ Aroer khon, metakʼme lodam reakʼ adha khon Amonrenkoakʼ disạm reakʼ simạna Jabok gaḍa hạbicʼ goṭa elakae calaoetʼ tahẽkana. Niạ elaka talare Gileadkoakʼ hõ adha hĩs tahẽkana.

Josuạ 12:2 Iomraidhean Croise

Genesis 32:22

Ona ńindạge Jakob do beretʼkate taṛamate paromokʼ nonkan mitʼṭecʼ jaegate acʼren banar bạhu, banar kạ̃ṛmĩ ar gelmitʼ hoponko do gaḍae paromketʼkoa.

Nehemiạ 9:22

“Tayomte ḍher rajosṭi ar jạtrenko do onkoakʼ tirem jimạketʼkoa, onkoakʼ sanam jaega jumiko Israel jạtrenkom hạṭińatʼkoa. Onko do Hesbonren raj Sihonakʼ disạm ar Basonren raj Ogakʼ disạmem ạidạriatʼkoa.

Sereńko 135:11

Uni do Amorikoren Sihon raj, ar Bashanren Og raj, ar Kananren sanam rapajkoe gocʼletʼkoa.

Jirimiạ 48:19

E Aroerren hoṛko, ape do hor aṛere teṅgokate ńelpe. Ar dạṛjoṅkan hoṛko kulikope, ‘cetʼ hoyakana mente?’

Dosar Biboron 1:4

Amorikoren raj Sihon ar Edreyi nagraha reakʼ Bason disạmren raj Og bhagaokin tayom uni do onae sodorleda. Sihon do Hesbonre ar Og do Astarotreye rajokʼkan tahẽkana.

Bikʼcạrko 11:13

Amonren raj do Jiptharen hoṛkoe metatʼkoa, “Israelko do Misor disạm khon oḍok hecʼkate jordan gaḍa aṛe aṛeteakʼ jaegako ar Arnon gaḍa khon Jabok gaḍa hạbicʼ ińakʼ sanam jaegako dokhol akada. Ona ńitokʼ mońj mońjte ruạṛkạtińme.”

Bikʼcạrko 11:22

Onko do Arnon khon Jabok hạbicʼ ar hahaṅkar ṭoṭha khon jordan hạbicʼ Amorikoakʼ sanam jaegako hatkeda.