Josuạ 12:1 - সান্তালী বাইবেল

¹ Araba bilạn ṭạnḍi reakʼ purub hĩs reakʼ sanamakʼ Arnon lodam khon Hermon buru hạbicʼ jordan gaḍa purub secʼren Amorikoren raj Sihon ar Basonren raj Og doko bhagaoketʼkinte Israelko do unkinakʼ elakako dohkol akawan tahẽkana.

Josuạ 12:1 Iomraidhean Croise

1 Rapajko 4:19

Geliadre, metakʼme Emorikoren Sihon raj ar Basonren raj Ogakʼ disạmre do Uri hopon Geber. Niạ ṭoṭhare do unige acʼ eskar cakʼlaoyicʼe tahẽkana.

Sereńko 133:3

Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.

Sereńko 136:21

Uni do onkoakʼ disạm ạidạri lekateye ematʼkoa; ente uniyakʼ dulạṛ do jaejuggetaea.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Jesaea 16:2

Cẽṛẽ do tukạ khon oḍok kate cetʼleka hantenateye uḍạu baṛae onkage Moabren hoṛko do Arnon gaḍa taṛam paromokʼ jaega ṭhenko ạcur baṛaea.

Numeri 21:13

Ar onḍe khon arhõ uṭhạukate onko do Arnon gaḍa paromkateko ḍerayena. Ar Amorikoakʼ disạm khon oka hahaṅkar ehopʼakan onare noa Arnon gaḍa hõ tahẽkana. Ona gaḍa reakʼ mitʼ secʼ do Moab ar eṭakʼ secʼ do Amorikoakʼ disạm tahẽkana.

Numeri 21:21

Israel hoponko do Amorikoren raj Sihon ṭhen hoṛ kolkateko nehõradea,

Numeri 21:24

Niạ lạṛhạire Israelko do uniko gocʼkedea ar Arnon khon Jabok gaḍa hạbicʼ uniyakʼ disạmko ạidạriyana. Onko do eken Amonrenkoakʼ simạ hạbicʼko ạidạriyana, ente Amonrenkoakʼ disạm reakʼ simạna do usạrateko parom hotʼ daṛeakʼ onka do baṅ tahẽkana.

Numeri 32:19

Ale do Israelko sãote jordan gaḍa hanasa reakʼ sompottiko hõ bale hataoa, ente gaḍa purub secʼ reakʼge coṅ ale male ńametʼkan.”

Numeri 32:32

Ale do Probhu Isor samaṅre lạṛhại reakʼ khanḍa bhanḍawante gaḍa paromkate Kanan disạmtele calakʼa, menkhan aleakʼ sompotti do gaḍa niạ sa aṛerege tahentalea.”

Numeri 32:33

Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Dosar Biboron 2:24

“Ona tayom Probhu Isor doe metadińa, ‘ape do oḍok hijukʼpe ar Arnon gaḍa paromkate calakʼpe. Ńelpe, iń do Hesbonren Amorikoren Sihon raj ar uniyakʼ disạm do apeakʼ tireń jimạ akada. Ape do uniyakʼ disạm dokhol iạte lạṛhại lạgitʼpe uskạukoa.

Dosar Biboron 2:32

“Inạ tayom tinre Sihon do abo sãote lạṛhại lạgitʼ acʼren lạṛhại phạdkoante Johasreye oḍok hecʼena unre aboren Probhu Isor do aboakʼ tire uniye jimạkedea. Ar abo do uni ar uniren sanam hoponko ar uniren lạṛhại phạdko bon maraoketʼkoa.

Dosar Biboron 3:1

“Inạ tayom abon do ạcurente Bason secʼakʼ horte bon sen idiyena. Ar Basonren raj ar uniren lạṛhại phạdko do abo sãote lạṛhại lạgitʼ Edreyi nagrahareko oḍok hecʼena.

Dosar Biboron 4:44

Mose do Israelko samaṅre noako ạn-ạrikoe samaṅatʼkoa. Misor khon oḍok hecʼen tayom uni do jordan reakʼ purub secʼ Hesbonren Amori raj Sihon reakʼ disạmre Bet-Peor mohnḍa muhnḍi reakʼ buru tala otetere Israelko ṭhen sontorokʼ reakʼ noako katha, niạm ar hukumkoe baḍae ocoketʼkoa. Ar misor disạm khon oḍokʼ hecʼkate Mose ar Israelko do Sihon rajko bhagaokedea.

Dosar Biboron 4:48

Arnon otet aṛe reakʼ Aroer nagraha khon Sion buru, metakʼme Hormon buru hạbicʼ noakin rajosṭige tahẽkana.

Josuạ 1:15

Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”

Josuạ 11:17

Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 13:8

Manase gusṭiren adha hoṛko, Ruben ar Gad gusṭiren hoṛko do jordan gaḍa purub secʼ reakʼ jaegako do sompotti lekate laharegeko ńamakatʼ tahẽkana. Probhu Isorren guti Mose do onko lạgitʼ ona jaegageye ṭhik dohoakatʼ tahẽkana.

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Bikʼcạrko 11:18

Ona tayom onko do hahaṅkar talate senkate Edom ar Moab disạm secʼteko ạcurente Moab reakʼ purub secʼte senkate Arnon gaḍa reakʼ eṭakʼ aṛereko ḍerayena. Menkhan Moab disạmte do bako bololena, ente Arnon gaḍage Moab reakʼ simạna tahẽkana.