Josuạ 11:8 - সান্তালী বাইবেল

⁸ Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Josuạ 11:8 Iomraidhean Croise

Genesis 10:15

Kananren maraṅicʼ hoponakʼ ńutum do Sidon tahẽkana. Uni tayom do Hethe janamena.

Genesis 49:13

“Sebulon do doreão aṛereye girobasokʼa; uni do jahajko reakʼ bondorgeye hoyokʼa; ar uniyakʼ simạ do Sidon hạbicʼ hoyokʼtaea.

2 Samuel 24:6

Ona tayom onko do Gilead ar Tahtim-Hadasi ṭoṭhateko calaoena. Ar ona tayom do Danre senkate Sidon secʼko ạcurena.

Jesaea 23:4

E Sidon, lajaokʼme, ente jalapuri, ona jalapuri reakʼ gaṛ do niạ kathae meneda, “Iń do bedon baṅ rakapʼ akawạdińa, ar janam hõ bạń janam akatʼkoa. Iń do juạn koṛako bạń ạsul hara akatʼkoa ar juạn kuṛiko hõ bạń joton akatʼkoa.”

Sakariạ 9:2

Hamat, oka do Hadrak simạna ṭhen menakʼ ona upạrte hõ Probhu Isorakʼ katha do purạukʼa. Tur ar Sidonrenko do ạkilan hoṛ kanrehõko, enhõ onko upạrte ona do hoyokʼgea.

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Dosar Biboron 9:3

Menkhan ape do niạ katha baḍae dohokakʼpe, aperen Probhu Isor do ḍahao maraoakʼ seṅgel leka ape lahate jordan gaḍae parom maṛaṅokʼ kana. Unige onkoe kạbukoa are marao utạrkoa; unige ape ṭhene bhagao ocokoa; Ar Probhu Isor ape ṭhen oka as reakʼ kathae emakan onkage uni doe laga ńirkoa ar thoṛa ghạṛicʼtegeye marao utạrkoa.

Josuạ 10:20

Nonkate Josuạ ar Israelko do Amoriạkoko ńẽtʼ cabaketʼkoa. Onate joto lekako gocʼena; menkhan tinạkʼ sarecʼko tahẽkan onko do akoakʼ pạcrite esetʼ nagrahareko aderketʼkoa.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 11:7

Unre Josuạ do acʼren sanam lạṛhại phạdante Mirom reakʼ dakʼ jharna ṭhen onko upạrte ackageko seṭerena ar onkore jhãpko emkeda.

Josuạ 19:28

Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.