Josuạ 11:6 - সান্তালী বাইবেল

⁶ Unre Probhu Isor do Josuại metadea, “Onko do alom botorakoa, ente gapa niạ okte bhitrite Israelko samaṅre onko sanamkoń marao cabakoa. Ar am do onkoren sadomkoakʼ jaṅga sirem ged takoa ar rãt-gạḍikom jeretʼ giḍikatakoa.”

Josuạ 11:6 Iomraidhean Croise

2 Samuel 8:4

Dạud do acʼren mitʼ hajar eae sae aswariko ar bargel hajar otten lạṛhại phạdkoe hatketʼkoa. Onkoren mitʼsae rãt gạḍiren sadomko dohokate sarecʼ sanam sadomkoakʼ do jaṅga sire samakʼketʼtakoa.

2 Rapajko 6:16

Nạbiye roṛ ruạṛkeda, “Alom botorokʼa. Okoe alaṅ sãote menakʼko onko do hanko khon hõko saṅgegea.”

2 Bõsbudạ 20:16

Gapa ape do onko upạrtepe oḍok calakʼa. Ar unre onko do Sisko metakʼ buru horteko rakapʼ hijukʼa. Ape do Jeruel ńutumanakʼ hahaṅkar ṭhenakʼ tala otet secʼre onkope ńapamkoa.

Sereńko 46:10

Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jeheskel 39:9

“ ‘Unre Israel reakʼ nagrahare tahenko do bahrete oḍok calakʼa ar sahan leka lạṛhại reakʼ khanḍa bhanḍako jeretʼ giḍikakʼa. Onko do kạṭicʼ ar lạṭu ḍhalko, akʼ-sarko, lạṛhại reakʼ mutạkko ar borlomkote eae bochor hạbicʼ sahan lekako jereda.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Josuạ 10:8

Probhu Isor do Josuại metadea, “Alom botorakoa; onko do amakʼ tireń soprotkoa. Onko do okoege am samaṅre bako teṅgo ṭarhao daṛeakʼa.”

Josuạ 11:5

Onko rajko do mitʼṭecʼ niṭ akatʼ jaegareko jarwayente Israelko upạrte lạṛhại lạgitʼ Mirom ńutumanakʼ mitʼṭecʼ dakʼ jharna ṭhenko ḍerayena.

Josuạ 11:7

Unre Josuạ do acʼren sanam lạṛhại phạdante Mirom reakʼ dakʼ jharna ṭhen onko upạrte ackageko seṭerena ar onkore jhãpko emkeda.

Josuạ 11:9

Probhu Isor do Josuạ cetʼlekae hukumade tahẽkan onkage bạiriko cetanreye kạmikeda. Uni do sadomkoakʼ jaṅga sire getʼketʼtakoa ar rãt-gạḍiko doe jeretʼ giḍikada.

Josuạ 3:5

Inạ tayom Josuạ do hoṛkoe metatʼkoa, “Apnar baṛe saphakʼpe, ente gapa Probhu Isor do ape talare maraṅ hahaṛawakʼe kạmiya.”

Bikʼcạrko 7:9

Enhilokʼ ạyupʼ jokhecʼ Probhu Isor do Gideone metadea, “Beretʼme, ar pheḍ senkate onkoakʼ ḍera cetanre jhãp emme. Iń do amakʼ tireń jimạ akatʼkoa.

1 Samuel 11:9

Gibearen hoṛko do Jabes khon okoe khoborko ạguletʼ onkoko metatʼkoa, “Jabes-Gileadren hoṛko senkatepe metakoa, gapa tikin bhitritege onko doko bańcao ocokʼa.” Ar noa katha Jabesren hoṛko baḍaeketʼ khan ạḍiko kusiyena.